تاني حب الحلقة 23
انت في الصفحة 1 من 3 صفحات
الحلقة_23
تاني_حب
بقلم_ملك_إبراهيم
لو كانت شهد اللي اتخطفت مكنتش هعمل اكتر من اللي عملته.. لو كنت غلطت معاهم غلطه واحدة وقتها كانوا هيقتلونا كلنا.. وصدقني يا عمي انا لو كنت لوحدي معاها كنت بس لما يكون معاك عيلتك كلها هتعمل حساب كل خطوة بتخطيها.
والد فريدة باصرار خلاص يا كامل ملوش لازمة الكلام ده.. انا جاي اخد فريدة وعرفتها انها هتسافر معايا وهي موافقه.
كامل پصدمة معقول فريدة وافقت
والد فريدة اه وافقت واظن انت يهمك ان فريدة تكون في امان بعيد عن اي خطړ صح ولا ايه
كامل بص قدامه بحزن وافتكر كل اللي عمله مع فريدة الفترة الاخيرة وجرحه لها وكان عارف انه مهما يعمل مش هيقدر ينسيها انه اتخلى عنها وكان اناني في حبه وتفكيره وفكر في حياته ومستقبله هو وداس على قلبه وقلبها وسمح لنفسه انه يجرب يحب واحدة غيرها واتجاهل جرحها وۏجعها وخسرها بكل سهولة ومش من حقه دلوقتي يفكر بانانيه تاني ويخسرها حياتها وقال بحزن صح يا عمي.. حياة فريدة اهم من اي حاجة.
والد فريدة بهدوء انا عايزكم تقدروا موقفي انا اب عايز يحافظ على حياة بنته ومش قاصد احرمكم من فريدة او ابعدها عنكم.
سميحة بسخرية كتر خيرك والله.. وفرحتنا انك اخيرا افتكرت ان عندك بنت وعايز تحافظ على حياتها.
قام والد فريدة من مكانه وقال بضيق انا هروح الاوتيل ارتاح شويه وبكره هبدأ في إجراءت السفر لفريدة.
كامل قام وقف وقال اوتيل ليه يا عمي البيت هنا موجود وتقدر حضرتك تقعد في اوضة فريدة.
خرج والد فريدة وكامل وصله لعربيته ورجع البيت تاني وكانت سميحة قاعدة مضايقه وقالت پغضب جاي بعد السنين دي كلها يفتكر ان له بنت!
كامل قرب من والدته وقال بحزن عمي عنده حق يا امي.. فريدة هتكون معاه في امان.
سميحة بصتله وسألته وانت هتكون مرتاح وفريدة بعيد عنك
كامل بص قدامه بحزن وقال انا مش هفكر بانانيه تاني يا امي.. اللي يهمني دلوقتي راحة فريدة وانها تكون في امان.
سميحة بصتله بحزن وسكتت وشهد كانت واقفه على السلم مصډومة بعد ما سمعت كلامهم وعرفت انهم عارفين مكان فريدة وانها هتسافر مع باباها.
صباح اليوم التالي.
في بيت المستشار رؤوف.
مها كانت قاعده مستنيه باباها عشان تتكلم معاه قبل ما يروح شغله.
اول لما شافت باباها قامت وقفت وقربت منه وسألته بابا حضرتك هتشوف كامل النهارده
رد المستشار رؤوف بتعب مش عارف يا مها لان كامل مشغول زي ما انتي عارفه وانا كمان
