ندوب الهوي بقلم ندا حسن

يتم الاتفاق وقراءة الفاتحة.. أردف رشوان بجدية إحنا مش عايزين أي حاجه.. شقة جاد موجودة ومش محتاجه غير العفش والفرش وده علينا إحنا هناخد هدير بشنطة هدومها أجابته والدتها بجدية وحزم وهي تعتدل في جلستها لتتحدث براحة لأ يا حج رشوان جهاز هدير بنتي كله موجود من الإبره للصاروخ وكل واحد يجيب اللي عليه حسب الأصول ما بتقول ابتسم إليها بود وداخله ارتاح قليلا لأنها لم تطمع بشيء ولم تستمع إلى حديثه الذي هتف به ولكنه كان يعلم أن شقيقها سيدلف عليه بالطمع قبل أي شيء الدهب اللي انتوا عايزينه هنجيبه والنهاردة بإذن الله لم يعطي جمال الفرصة لوالدته أن تتحدث بل قال هو بسرعة وجدية وهو يثبت ما فهمه والد جاد الدهب يبقى ب مية ألف جنية شهقت والدته بدهشة من طلبه الكبير ليس كبير للغاية ولكن كبير بالنسبة إليها هي وابنتها ربما لو خمسون ألف سيكون أفضل هتفت قائلة بضيق شوف يا حج رشوان هدير دي بنتك أنت ما أنت اللي مراعينا بعد المرحوم واللي أنت هتعمله إحنا راضين بيه إنها مثلما هي امرأة طيبة القلب تعرف حدودها من طينة أصيلة ولا يعلم من أين أتت بهذا الولد الضال... ابتسم إلى جمال قائلا وأنا مش هتني كلمة جمال الدهب ب مية ألف جنية نظر إليه جمال وداخله الفرحة ستجعله يغمى عليه ليس بمبلغ كبير ولكن ربما يستفيد نظر إليه بثبات قائلا معلش يا حج رشوان دا جواز وأنا عايز أحافظ على حق أختي هتف جاد بضيق وانزعاج قائلا وهو يراه يتحدث بحق وما حق! أهو سيلقي بها في الشارع أم ماذا أنت بتقول ايه هو أنا هتجوزها النهاردة وأطلقها بكرة... ما تحافظ على كلامك  معلش يسطا جاد مش بعرف ازوق الكلام زي الحجة أجابه مرة أخرى بحدة بس الحجة مش بتزوق كلام هي بتقول الحقيقة نظر إليه والده حتى يصمت وأردف هو ناظرا إلى والدتها كتب الكتاب يبقى الخميس الجاي بعد ما أخويا ومراته يرجعوا والفرح آخر الشهر أنا مش عايز نقعد كتير ونماطل والكلام يكتر العروسة جاهزة وإحنا هنجهز الشقة ونقفلها وخير البر عاجله عين العقل والله يا حج رشوان أردفت نعمة والدتها بهذه الكلمات وهي تبتسم بسعادة مثل جاد الذي فرح أكثر من السابق بحديث والده هذا ولكن جمال تحدث قائلا بجدية شديدة حيث كده بقى خليني أقولك أن القايمة هتتكتب بنص مليون جنية.. ومتزعلش مني بس أنا معرفش ايه اللي هيحصل بكره ويحل على أختي هذه المرة تحدث جاد بعد أن تقدم إلى الأمام ليقابل جمال وأردف بجدية شديدة موافق يا جمال ولو عايز مليون كمان مش نص بس موافق علشان عارف أنا عايز ايه كويس أوي... وأنا عايز أختك وهحافظ عليها ومش هفرط فيها أبدا علشان كده مش خاېف من النص مليون بتوعك اللي هتحطهم في القايمة بعد هذه الكلمات وجد والدتها تقف على قدميها تطلق الزغاريد مرة أخرى وأخرى وأخرى وفرحتها لم يكن يوجد مثلها بعد هذه الكلمات الجادة منه وفرحته التي ظهرت على وجهه.. ألف مبروك يا جوز بنتي أردف والده قائلا وهو يرفع يده أمام وجهه مبتسما بحب نقرا الفاتحة ثم بدأو في قراءة الفاتحة جميعا والسعادة تتحدث على وجوههم.. هتف والده قائلا أمامهم بعد أن انتهوا جاد هياخدك أنت وهدير ومريم علشان تختار الدهب اللي هي عايزاه نادت بإسم مريم لتخرج لها وجعلتها تستدعي شقيقتها فخرجت هي الأخرى ومعها فهمية والدة جاد هنروح مع جاد علشان تختاري الدهب نظرت إليه بهدوء ولم تتحدث بل ابتسمت ابتسامة صغيرة وتقدمت من والده لتسلم عليه وألقى عليها المباركة مبتسما لها بود.. هتف مرة أخرى وهو ينظر إلى جاد بهدوء بعد أن وقف مشيرا إليهم خدهم محل من المحلات القريبة من هنا يا جاد وخليها تختار اللي هي عايزاه وطلع فاتورة ب المية ألف جنيه علشان جمال يشوفها توسعت عينيها بدهشة وذهول عندما استمعت إلى الرقم الذي قاله هل استمعت صحيح بس مية ألف كتير أوي أجابها والده بهدوء وابتسامة رزينة مفيش حاجه تغلى على عروسة الغالي ابتسمت بهدوء بعد كلماته الجميلة لتنظر إليه بطرف عينيها وجدته يقف ينظر إليها هو الآخر وعلى وجهه ابتسامة لا تدري أهي كاذبة أم لا ولكن يبدو سعيد للغاية وابتسامته تلك من الأذن إلى الأذن!.. يلا يا أم جاد تعالي معانا تقدمت والدته من زوجها قائلة بخجل لتتركهم على راحتهم لأ ياختي أنا هطلع مع أبو جاد وانتوا خدوا راحتكم يا حبيبتي بالله لانتي جايه معانا الله.. ما تقولي كلمة يا هدير ابتسمت هدير إليها وأردفت بهدوء خجل وهي تتقدم منها قائلة بود تعالي معانا يا ماما فهيمة علشان تختاري معايا أنت ذوقك حلو خلاص طلما قولتي كده