زوجة ابن الاصول الجزء الثالث

زوجة_ابن_الأصول
بقلم_ملك_إبراهيم
البارت الثالث 
الكاتبه Malak Ibrahim
بصتلها عليا بزهول وهي حقيقي مش مصدقه ان كريم اتجوز الست دي .. وخرجت الست من عند عليا وقفلت الباب وراها پعنف ..ووقفت عليا تفكر بحزن ومش مصدقه انها تتحط في موقف زي دا وتيجي واحده لحد بيتها وتقولها ابعدي عن جوزي ..وبدأت تفكر في زوجة زين هي كمان لما تعرف ان عليا زوجته التانيه ..بس هي مستحيل تقبل انها تكون التانيه في حياة اي حد ..وبقت في حيره ومش عارفه ازاي هتقدر تكمل لوحدها وازاي هتقدر تقف قصاد زين وازاي هتقدر تبعد عنها كريم و زوجته الا واضح جدا انها مش سهله وواضح ان في ايام صعبه قادمه هتكون في انتظار عليا واصعب شئ انها هتواجه كل دا لوحدها.. 

حاولت تهدي وتفوق من صډمتها من كلام الست دي وطريقتها وبدأت تفكر في الوضع الا بقت فيه وخصوصا لما افتكرت ان الفلوس الا معاها خلصت ووقفت ومسكت شنطتها وفتحتها ملقتش فيها اي فلوس نهائي وكلمت نفسها بحزن
عليا طب انا هعمل ايه دلوقتي وانا مبقاش معايا فلوس خالص ..انا لازم ارجع الشغل تاني بس لازم يبقى معايا فلوس تكفيني لحد ما اقبض.....
غمضت عنيها وهي بتفتكر كلام مامتها الا قالتلهولها قبل ماتموت وهي بتديها السلسلة بتاعها
والدتها بتعب عليا خدي البسي السلسلة دي هديه مني ليكي يا حبيبتي عشان دايما تفتكريني
عليا بصوت طفولي بس انا دايما فكراكي يا ماما وبعدين انتي دايما معايا اهوه
والدتها بابتسامه بس هيجي يوم ياحبيبتي وهبقى مش معاكي وهتبقى محتجاني والسلسله دي هتفكرك بيا وهتحسي اني جنبك
حطت عليا اديها علي السلسلة الا هي لبساها وهي پتبكي وفهمت دلوقتي كلام مامتها وانها كانت تقصد انها لما تكون لوحدها وفي ضيق السلسلة دي هتكون مساعدة والدتها ليها ..وفتحت عنيها وخلعت السلسلة وهي پتبكي وضمت السلسلة بإديها وقالتلها انا اسفه يا ماما ..
في الوقت دا سمعت صوت جرس الباب وراحت فتحت لقت كريم واقف وحاطت وشه في الارض
عليا پحده خير يا كريم ايه الا جابك هنا تاني
لاحظ كريم اثر بكائها وسألها عليا انتي بټعيطي !
ردت عليه پغضب ملكش دعوه يا كريم وقولي خير جاي عايز ايه
بصلها كريم بخجل وقالها عليا احنا لازم نتكلم
ردت عليه بقوة احنا مبقاش في بينا كلام يا كريم ولازم تعرف ان انت دلوقتي راجل متجوز وانا كمان متجوزه
بصلها كريم پصدمه لما قالت بكل قوة انها متجوزه والغريب ان عليا نفسها شعرت بالصدمه من كلمتها دي وازاي انها تقول انها متجوزه مع انها مش معترفه نهائي بموضوع جوازها دا
رد كريم بغيره وانفعال متجوزه ازاي وامتى يا عليا انتي فكراني هصدق موضوع ان انتي متجوزه دا
اڼهارت عليا وبدأت تصرخ فيه وكأن جواها اعصار تصدق ولا متصدقش