حب مسلح

لفصل الاول 1
_لو سمحت أروح للعنوان دا إزاي
بص في الورقه وقالي _ أخر الشارع في أول شمال
_تمام شكرا لحضرتك
مشيت بالأسكوتر زي ما وصفلي الشاب الوقت اتأخر وكنت عايزه أروح من التعب بس لازم أوصل أخر طلب وأبقى خلصت شغل النهاردة
الدنيا كانت برد بحكم إننا في شهر ١٢ أول الشتا وصلت العنوان وبصيت على البيت اللي مكتوب عليه ٣١٠
ركنت الأسكوتر بتاعي وطلعت اخر طلب من شنطتي شيلت شيلت شنطتي على كتفي ومسكت الطلب في إيدي
زقيت البوابة الحديد إتفتحت بسهوله قربت من الباب وسمعت صوت حد بيقول _
أبوس إيدكم أرحموني
وقفت مكاني بعدها قولت إني مليش دعوه خبطت الباب ووقفت مستنيه حد يفتح

__________________حارث__________
كنا قاعدين في المقر بتاعنا وبنخلص مهمتنا اللي زعيمنا قالنا عليها لحد ما إتفاجئنا إن الباب بيخبطبصينا لبعض كلنا وقصي قالهم وهو حاطط السکينه على رقبه الواد اللي بنقرره _
شوفوا مين اللي بيخبط
واحد زميلنا فتح الباب وشفنا بنت لابسه بنطلون واسع وتيشرت عليه كرتون ولابسه كاب ماسكه في إيدها طلب زي بتوع شركات الشحن
البنت أول ما شافتنا ماسكين الأسلحه وبنعذب في واحد جريت
قصي قال _
هاتو البت دي
جريت وانا اتنين معايا نجيبها لحقناها قبل ما تركب الإسكوتر بتاعها كتمنا بوقها وشيلناها ودخلناها البيت وقفلنا الباب ورميناها على الأرض
قصي شاورلنا عشان نشيل إيدينا من على بوقها البنت قالت في خوف _
آنا آسفه والله انا كنت جايا أوصل طلب وغلطت في العنوان
قصي شاورلي ف فتشت شنطتها والطلب اللي كانت ماسكاه قولتله بعد ما فتشت الشنطه _
صادقه يا باشا
قالها بجمود _ مين اللي باعتك تتصنتي علينا!
البنت عيطت وقالت _
والله العظيم أنا معرفكمش ولا في حد باعتني أنا مندوبة توصيل وجايا أسلم الأوردر وأروح
_فين العنوان
قالتله وسط دموعها _
موجود على الطلب
مسكت الطلب وقرأته وقولت للمعلم _
يا باشا مكتوب بيت رقم ٣١٠العنوان مظبوط
قصي قالنا كلنا _
حد منكم طلب حاجه على هنا
كلنا فضلنا ساكتين ومردناش موبايل البنت رن قصي شاورلي عشان أرد
البنت كانت خاېفه ومتوتره من الأسلحه اللي حواليها فتحت الخط ورديتبعد ما خلصت المكالمه قولت للمعلم _
البت دي غلطت في العنوان صاحب الطلب رن يسأل عليه بيقول انه بيت ٣١بس الطلب مكتوب عليه ٣١٠أكيد غلط وهو بيكتبه
البنت قالت _
ممكن أمشي
قصي ضحك ولإني أقرب حد ليه عرفت إنه ناوي على شړ بالضحكه دي
قصي قالها _
هو دخول الحمام زي خروجه
البنت بصت بړعب على وشوشنا وبصت على الراجل اللي كنا بنعذبهالراجل بصلها بحزن وبص في الأرض
كانت صعبانه عليا بس خۏفت اتكلم كان زمان قصي طير رقبتي في ثانيه
قصي قالها وهو بيهرش في دقنه _
لو سيبناكي تخرجي هتبلغي عننا
قولتله بصوت عالي _
من إمتى يا أبو دمار وإحنا بنخاف من الحكومه
زميلي كمل وقال _
دي الحكومه نفسها پتخاف مننا من كتر اللي سمعته عن عصابه أبو دمار!!
قصي زعيمنا ضحك وقالنا _
من إمتى وحد فيكم شافني خاېف!!
رجع ملامح وشه للجمود وقال _
لو خرجت هتحكي عن شكلكم !!وبص ليا وقال وأنتم مبتظهروش بوشكم ولا أيه يا حارث
قولتله بتأكيد _ عندك حق يا ريس إنت الوحيد اللي الحكومه عارفه شكلك وعارفه إنك رئيسنا إنما إحنا بنخبي وشنا عشان محدش يعرفناعشان نعيش حياتنا طبيعي
____________________ورد_____________
مكانش في حد بيكلمني غير واحد وكانوا كلهم بيقولوا ليه يا ابو دمار!!!
كنت ماسكه نفسي بس إتصدمت لما لاقيت أبو دمار بيقولي بإبتسامه كله خبث _
انتي هتفضلي معانا يا قطه
قولتله پصدمه _ ايه لأ حضرتك مينفعش انا والله مش هبلغ عنكم انا عايزه أروح
كمل بخبث وقالي بصوت واطي وهو بيغمزلي _
مټخافيش انتي هتروحي معايا
الفصل الثاني 2
كمل بخبث وقالي بصوت واطي وهو بيغمزلي _
مټخافيش انتي هتروحي معايا
ملحقتش أعترض وخدت خبطه على دماغي أغمى عليا
لما صحيت لاقتني نايمه على الأرض قومت اتعدلت لاقتني قاعده في مخزن أكل تقريبا كان مليانه أشولهوواضح انها رز ومكرونه وبقوليات
كان النور بسيط قومت جريت على الباب وحاولت أفتحه منفعش فضلت أخبط وأصرخ وانا بقول _
حد يفتحلي انا عايزة أروحيا جماعه
مجاليش رد يئست وروحت قعدت على شكاره بس لما أقعدت حسيت اني قعدت على حاجه بتشوك كنت هفتح الشوال بس لاقيت باب الأوضه اتفتح
قعدت بسرعه ولاقيت الراجل اللي كان هناك دخل وهو لابس تيشرت وشورت
قفل الباب وجه قعد جنبي في سكات قولتله وانا قربت أعيط _
لو سمحت انا والله مش هبلغ عنكم انا عايزة أروح أنا عندي قطه ولو سيبتها من غير أكل ھتموت
فضل ساكت متكلمش هزيته وانا بقوله _ لو سمحت حضرتك
بصلي مره واحده وكان شكله مرعب عينه كانت حاده جدا بعدت شويه من نظرته وقولتله _
آنا آسفه
قالي بنفس النظره _
مردتش أقتلك مع اني قادر هتمشي لما أنا أقرر إنك تمشي
قولتله _ حضرتك مش هينفع انا عندي شغل وقطتي ھتموت لوحدها
ملامحه تغيرت وبقا هادي بصلي بصه غريبه وقام من جنبي وهو بيقول _
هتخرجي لما أنا أقول
جريت وراه عشان أخرج بس قفل الباب
بسرعه
خبطت على الباب بإيدي من الڠضب قعدت ورا الباب وفضلت أعيط كنت خاېفه ومړعوبه
إفتكرت الشكاره اللي كنت قاعده عليها روحت فتحتها ومدت إيدي فيها لاقيتها شكاره عدس!!
حسست بإيدي لاقيت حاجه ناشفه أوي عدلت الشكاره وسحبت الحاجه مره واحده واټصدمت!!
سلاح!! كان ليه رهبه غريبه حطيته تاني بسرعه جوا الشكاره ومعرفتش أقفلها للأسف جرجرتها وحطيتها في حته بعيد عن العين
مكانش في شباك في الأوضه فضلت قاعده بندب حظي وأفتكر قطتي بيلا وأخترع سيناريوهات مرعبه ممكن تحصلها
بعد ساعه تقريبا لاقيت الباب إتفتح دخل واحد شكله من البادي جارد لابس بدله سودا وضخم قالي بدون مقدمات _
الريس عايزك برا
قومت من مكاني ومشيت وراه أول ما خرجنا من الباب طلعنا سلم صغير وبعدها انبهرت باللي شوفته!!
كانت ڤيلا ضخمه وكبيره يتقال عليها قصر كان فيها خدامين كتير مشيت ورا الراجل وانا بتفرج على المكان جه في بالي أجري وأهرب بس لاغيت الفكره لما شوفت كميه الحرس والكلاب الموجودين برا شوفتهم من حيطه الڤله المعمول نصها من إزاز
الراجل وقف قدام أوضه وشاورلي أدخل فتحت الباب ودخلت
كانت أوضه كبيره وضخمه كانت مكتبه كبيره وفي نصها طرابيزه سفره طويله وقاعد عليها الراجل أبو شورت
قالي من بعيد _
تعالي
قربت بهدوء ووقفت جنبه شاورلي بإيده عشان أقعد قولتله پصدمه _
هاكل معاك
قالي وهو بيمسك المعلقه _ أكيد مش هتاكلي تحت في المخزن
قعدت بعيد عنه بكرسيين ومسكت المعلقه وبصتله كان مركز في الأكل بدأت أكل براحه والحقيقه كنت جعانه جدا
قالي وهو بياكل _
انتي عايشه لوحدك
هزيت راسي ب أه كمل وقال _
ليه
بلعت الأكل وقولتله _
أهلي أتوفوا وانا قاعده مع قطتي ربنا بيحميني
الأكل كان حلو أوي نسيت اني مخطوفه وكلت بمزاج!
قاطعت أكلي لما لاحظت انه وقف أكل بصتله لاقيته باصصلي وانا باكل كان سرحان! أول ما شافني بصتله رجع كمل أكل
_هو انا ينفع أسأل حضرتك
_قولي
_هو انت بتاكل لوحدك ليه
قالي بدون اهتمام _ عايش لوحدي
_طب هو انا همشي امتى
مردش عليا ف كملت أكل مش عارفه ليه ملامحه المرادي مختلفه كان قمحاوي وواضح من جسمه انه بيلعب رياضه حسيت