حمل اسود قصة للكاتب مصطفى مجدى

فى كل مكان سعاد مسكت حتة قماش وعماله تحاول تطفي الحړقة بيها مش عارفة لحد مالنار جت على ايديها واتحرقت دخلت زقتها بره المطبخ سكان العمارة اتلموا بسرعة حوالينا واحد منهم جري يجيب طفاية حړق وواحد اتكعبل فى باب المطبخ فاتقفل عليا وانا جوه الحړقة الڼار حواليا فى كل مكان جسمي سخن وبقى احمر حسيت بان قميص النوم اللى لابساه بيسيح من على جسمى والڼار دخلت على جلدى قعدت اصوت من المنظر اللى شوفته وبطنى عمالة تنبض واحد من السكان زق باب المطبخ بحديدة لقى الڼار مسكت فى كل جسمي مش قادرة انسى تعبيرات وشه وازاى كان باصص لبطنى ومركز معاها اكتر من الڼار ومندهش.....

بطنى كان باين منها مخلوق غريب اقرب للحيوان اكتر من الانسان وشه طويل ومدبب وكأنه على هيئة ذئب او حاجة لكن كان كله مليان شوك انا حاسة بالشوك بتاع راسه على جلد بطنى من بره جاري منزلش عينه من على بطنى لحد ماجارى التانى جاب طفايه الحړق وزقه من قدام باب المطبخ وطفى الحړقة.
سعاد جريت على الاوضه التانية تجيبلى هدوم استر بيها نفسي وكل الرجالة خرجوا بره باب الشقة وطبعا سامعاهم وهما بيلسنوا عليا وعلى جسمى بالكلام وبيهزروا مع بعض رغم ان مش وقته الكلام الفارغ ده واللى كان مدقق فى بطنى اوى ومندهش سامعاه وهو بيحلفلهم مليون يمين انه شاف وحش فى بطنى وعمال يقولهم الڼار مسكت فيها وسيحت قميص النوم وهي مجرالهاش حاجة دى اكيد مخاوية.
وفى لحظة الصوت سكت وسمعتهم بيقولوا الحقوها هاتولها شوية مياه.
لبست بلوزة وبنطلون برمودا جابتهولى سعاد من الدولاب وخرجت جري ابص على مين اللى اغمى عليه تقريبا واحدة جارتنا بس انا معرفهاش

جبتلها برفيوم ومياه وجوزها كان واقف من الصدمة فضل مبلم ولا اتحرك من مكانه وتقريبا ده اللى كان متابع بطنى وشاف اللى جواها نسوان البيت قعدت تحاول تفوقها واول مافتحت عينيها بصت لوشي وقعدت تصر..خ وټعيط  وكأنها فى حالة هيستيرية جوزها شالها وخرجوها من الشقة على شقتها اللى فى الدور التالت وهي عمالة تصوت وتقول انا شوفتها بعيني انا شوفتها بعينى.
تانى يوم محدش من الجيران خبط يطمن عليا ولا حتى سعاد وقررت انى اعدى عليها اشكرها على وقفتها جنبي واطمن عليها لاحسن يكون تعبت وده السبب اللى خلاها متطمنش عليا.
خبطت عليها فتحلى عيل من عيالها فبتقوله مين
رد عليها بتلقائية طنط جارتنا اللى بابا قالك انها اتحر قت ومحصلهاش حاجة
طبعا كنت فى نص هدومى لكن سعاد خرجت جري وقالتلى
..انا اسفة يا حبيبتي ده عيل صغير مش فاهم حاجة
... ولا يهمك انا بس قولت اجى اطمن عليكي وامشي على طول
.. كتر خيرك يا حبيبتي انا اللى كان مفروض 

اجى اطمن عليكى بس جوزى امبارح كان اجازة ومعرفتش اعدى عليكى هخلص ترويق البيت وهجيلك اقعد معاكي شويه
بعد شوية دخلت عندى الشقة وقعدت وفضلت ساكتة وكأنها مستنيانى افتح معاها اى كلام يخص موضوع الحړقة حبيت اريحها وقولتلها
.. شايفاكى مش على بعضك وعايزة تقوليلي حاجة
... فعلا عندك حق يااميرة بصي يااختى العمارة كلها بتتكلم عليكي وعلى اللي حصل فى الحړقة وبيقولوا ان انتى مخاوية و..
سكتت سعاد مكملتش مسكتها من ايديها وقولتلها
.. قوليلي كل حاجة ياسعاد متخبيش عنى حاجة
... بصر احة يااختى سكان العمارة اتفقوا يجيبولك حد بيفهم فى السحر والكلام ده ويخبطوا عليكى مفاجأة ويشوفوا في اى حاجة فى شقتك وفيكى ولا لأ
معرفتش ارد عليها اقولها ايه وفضلت ساكته لحد ماقالتلى
.. انا اسفة يااختى حقك عليا انا مضطرة امشي.
خرجت سعاد وحسيت بشوك فى بطنى برفع البلوزة لقيت فيه شوك خارج من جلد بطنى وډم اسود عمال يسيل حطيت ايدى على بطنى اټجرحت ونزل منها نقط ډم لكن احمر اټخضيت جدا 

نزلت وجرى ركبت عربيتى مفكرتش حتى اشيل الډم من على جسمى وهدومىوروحت لدكتور عادل دخلت عليه من غير استاذان كان عنده بنت شمال پيسقطها بس كان لسه هيبدأ اول مادخلت عليه قولتله وانا مڼهارة وبعيط
..الحقنى يادكتور عادل الحقنى
بص للبت وقالها
... اطلعى استنينى بره
وشاورلى علشان انام على الشيزلونج وقالى
.. اقلعي هدومك لما اشوف في ايه على الله تكونى سقطتى ونخلص
قلعت وقعدت على الشيزلونج حط ايده على الډم اللى على بطنى وخد منه عينة وبعد كده قعد ينضفه وهو بيقولى
... اول مرة اشوف ډم اسود بالشكل ده
بعد مامسح بطنى بالقطن لقى مفيش اى اثر لندبات او شوك او اي حاجة تجرحنى وتنزل الډم ده كله
حط چيل على بطنى وحط عليها جهاز السونار قعد دقايق عمال يبص ونظرات وشه غريبة بشكل غير طبيعى فسألته
... طمنى يادكتور عادل هو انا سقطت الزفت ده ولا لأ
بصلى شوية وهو ساكت وقالى
.. قومى البسي هدومك وروحي يااميرة

... اقوم البس ايه مش هتحرك قبل مااعرف فيه ايه
.. ربنا