حب مجهول الهوية الجزء 50

وعينك على احلام لحد ما اوصلهم بسرعه وارجع.
رزان حاضر.
هند كانت خارجه مع طاهر من القصر بعد خروج اهلها. 
هند بخجل طاهر انت زعلان مني
طاهر انتي شايفه اللي عملتيه ده صح
هند يا طاهر انا واحلام معملناش حاجة غلط.. هي كانت فاكره ان ابن اختها تعبان فعلا زي ما بسمه قالتلها ونزلت تدور عليك عشان تساعدها ولما عرفت انك روحت المطار فكرت انها تكلمني انا اروح معاها ونخلص الموضوع وترجع قبل ما انت ترجع من المطار.
طاهر كانت تقدر تتصل بيا تعرفني قبل ما تخرج او تتصل على طارق.
هند بحزن اللي حصل حصل بقى يا طاهر المهم انت تهدي اخوك عليها شويه البنت مش ناقصه.
طاهر ملناش دعوة يا هند طارق ومراته حرين مع بعض ومش عايز اسمع انك تدخلتي في اي حاجة تخصهم.
هند وهي بتكتم غيظها احلام صحبتي على فكرة وانا عارفه انها مظلومه.
طاهر انتي واحلام غلطانين ولسه لحد دلوقتي مش مقدرين حجم الخطړ اللي كنتوا فيه.
هند وانتوا جيتوا انقذتونا واحنا عرفنا غلطنا يبقى خلاص بقي ملوش لازمه تزعلوا مننا!
طاهر پغضب انتي شايفه كده!
هند پغضب انا مش عايزة اشوف حاجة عن اذنك.
وقربت هند من اهلها وطاهر زفر پغضب وقرب منهم وهو بيحاول يسيطر على غضبه وركبوا كلهم العربيه واتحرك من القصر في طريقه لبيتهم عشان يوصلهم... رواية حب مجهول الهوية بقلمي ملك إبراهيم.
داخل مدرية الأمن. 
دخل طارق لمكتب العميد اللي كان في انتظاره. 
العميد اهلا استاذ طارق لو كنت قدمت بلاغ باختفاء المدام من بدري كنا احنا اللي قبضنا على المجرمين دول.
طارق طبعا يا فندم كنت هقدم البلاغ بعد مرور 24 ساعة من اختفائهم بس انا بالصدفه قدرت اعرف مكان الخاطفين واتفاجأت ان ناجي هو اللي خاطفهم وحضرتك عارف ان ناجي متهم في اكتر من قضية وكان هربان.
العميد طبعا وحضرتك قدمت خدمة كبيره لينا لما سلمته لرجالتنا هو والرجاله اللي كانوا معاه.
طارق بتعب انا جيت لحضرتك دلوقتي عشان لو في محضر هيتقفل او محتاجين اي اقوال مني قبل الصبح لاني لازم ارجع الاقصر بكره ضروري.
العميد في الحقيقه في حاجة حصلت وانا متأكد انك مش على علم بيها.
طارق بستغراب حاجة ايه
العميد بسمه اخت المدام بتاعك وجوزها المدعو شاكر ومرام بنت عمك.
طارق بصله پصدمة.. العميد كمل كلامه وقال كانوا مشتركين في اختطاف مدام احلام.
طارق پغضب انا عرفت ان بسمه اخت المدام كانت هي وجوزها مشتركين في تسهيل عملية الخطڤ بس ان مرام بنت عمي معاهم الحقيقة ده فاجئني!!
العميد بأسف هو في حاجة كمان حصلت للاسف.
طارق بستغراب خير
العميد مرام بنت عم حضرتك.. وشها اتحرق ونقلوها المستشفى.
طارق بفزع وشها اتحرق ازاي!
العميد حصل اختلاف بينها وبين بسمه اخت المدام وبسمه كبت مايه مغليه على وش مرام واتسببت في
حروق خطيره في وشها