روايه صعيديه في محنه لكاتبتها اماني عنان
يسأل
فضل قعد بجلابيته الزرقا علي الارض وقال .. عندك حق انا ما سألتش عليها ولا اعرف تفاصيل الحريم الغريبة دي
سناء .. اوماله كلمها دلوك اسأل عليها
قام وقف وهو بيقلع جلابيته وقال بحدة .. ياولية أعقلي وشيلي صفية من راسك هنعمل ايه يعني لو مش مرتاحه ولا حزينة خلي كل واحد يعيش زي ماربنا كاتب له ووكليني انا جعان
فضل .. عامله فتة ووكية علي أكده !!
سناء.. هههههه امنين ي غالي يوم الخميس وعليك خير النهاردة هتتغدي عدس وبتنجان
فضل مشي من المطبخ ڠضبان .. عدس وكمان ومتأخر
سناء .. عشان تاكله علي جوعه فتحبه
فضل .. دخل يغير هدومه ويستحمي علي ماالاكل يخلص. ..
همت مرات منصور بتكلم جوزها صوت وفي بتنشر الغسيل في الدور التاني
همت .. لا لسه قاعد عند جدته وكمان شوي هينزل
منصور .. خلصتي شغلك ارنلك فيديو
همت بتحط اخر بنطلون لابنها علي المنشر ومع ذلك قالت ..لا لسه ماخلصتش
منصور راجل غلبان مهتم ببيته جدا وكل وقته ياما شغل نقاش أو مساعد بنا مع جعفر ياما بيكلم مراته وأمه فيديو متابع كل تفاصيلهم وبيبعت لمراته فلوس تصرف علي البيت وتدي أمه جزء منها وبرغم من عطائه الكبير قليل في نظر همت وبتحب جعفر أو بمعني اصح الشيطان مصور لها كدا سالت جوزها فجأة بعد لحظة سكات
سكت منصور بعد ماكان هيقول لها بخير وسألها
أنتي كي عرفتي أن جعفر انحرق !
همت بقت في موقف صعب وعجزت عن الرد
منصور .. ردي عليا
همت
يتبع..
لما منصور سأل مراته عرفتي ازاي أن جعفر زميلي في الشغل انحرق سكتت وماعرفتش ترد الكذبة مش حاضرة والموقف صعب اوي عليها ممكن يشك فيها لو قالت اي حاجة راحت قفلت الخط وبسرعة قفلت بيانات الهاتف وقعدت في جانب علي السطح تفكر
مسكت التليفون فجأة ورنت علي الحجة اللي هتقولها لجوزها واول مافتحت الخط اتكلمت بمسكنة
همت .. الو كيفيك ي صفية مبروك رجعتك
صفية .. الله يسلمك الحمد لله بخير
همت .. أكده ماتسأليش عليا ولا تكلميني اعرف انك جيتي اجيكي !
صفية .. انتي كمان ماسألتيش عليا طول مانا غضبانه
صفية .. تسلمي فيكي الخير
همت .. ايه عامله وجوزك جه علي أكده ولا لسه
صفية .. الحمد لله بخير جعفر لسه مانزلش كمان سبوع أن شاء الله هيجي
همت .. يجي بالسلامة أن شاء الله
صفية .. الله يسلمك عامله ايه وعيالك عاملين ايه
صفية .. ايوا صح اصله انسلق امبارح
همت .. ي خبر لا اله الا الله ازاي دا حصل
صفية .. بسيطة أن شاء الله وقع علي رجله ميه مغلية
تأليف أماني عنان
همت .. عين وصابتكم ربنا يرده سالم ويبارك لكوا في حياتكوا
صفية .. هههههه عين علي ايه بس !! يالله الحمد لله علي كل حال
همت .. طيب هقفل دلوقتي عشان ابني امعاه درس وهكلمك بالليل لما يعاود وينام
صفية ربنا معاكي
همت مع السلامة
_________________
بعد ماقفلت مع صفية كلمت جوزها علي طول
همت .. ايه حصل النت قطع من عندك ولا ايه
منصور .. لا دا انا رنيت عليكي تلت مرات ماردتيش
همت .. ايوا ابنك كان عايز فلوس عشان الدرس المهم كنت بقولك جعفر ايه عامل صفية مرته فيها الخير كلمتني تسأل عليا وعلي العيال فسألتها علي حالها وجوزها قالت لي .. والله زعلت عليهم
منصور ارتاح وفهم أنها عرفت بالصدفة .. قلبك كبير ي حبيبتي ربنا يحفظك لينا انتي نور حياتنا كلنا
همت .. هعمل ايه انتوا قدري وواجبي خدمتكوا
منصور .. امي ايه عامله
همت افتكرت ميعاد الدوا ردت .. عندها دوا دلوك يادوب انزل اغديها واديها الدوا
منصور .. الله يكرمك خدي بالك منها دي ست كبيرة واختي متجوزة ومشغولة مع عيالها وبيت جوزها
همت ماتقلقش يالا سلام
منصور .. مع سلامة الله
أماني_عنان صعيدية_في_محنة
الحق يتقال همت كانت خاېنة ومچرمة لكن كانت كويسة مع حماتها برغم مشاكل اخت جوزها معاها إلا أنها كانت بتحمي حماتها وتأكلها وتخدمها يمكن كانت بتعمل كدا تكفير ذنوب او حاجة تخليها تسامح نفسها وتغفر خيانتها في النهاية لو جوزها عرف هيرميها في الشارع واحتمال كبير ېقتلها صحيح هو ضعيف قدامها وبيتمني لها الرضا بس علي اساس انها صاينة بيته ومضلله علي عياله وأمه مايعرفش خيانتها بتكدب وتخبي بإتقان
عدت الايام وجه ميعاد رجوع جعفر صفية راحة جاية في شقتها ومعاها احمد وشهد بنت حنان ..
شهد .. مالك ياخالة
صفية .. خالك جعفر في الطريق جاي بعد غياب طويل
