بنات صعبة
والله .. طيب انتي مش عايزة اساعدك ف الأكل بدل ما انتي واقفه لوحدك ..
هند لا مش عايزة منك حاجة .. اهل جوزي لو عرفوا ان انتي اللي عاملة الاكل هيقرفوا منك ..
سميرة خلاص يا حبيبتي .. انا هدخل الاوضه ..
سميرة دخلت الاوضه وفضلت قاعده فيها طول اليوم .. كانت حزينه انها بقيت لوحدها بالشكل ده .. وف نفس الوقت هي عارفه ان بناتها مشغولين ..
أما هند خلصت الأكل ولبست وفضلت مستنيه اهل جوزها ..
هند احمد كل حاجة جاهزة .. اهلك فين ..
احمد جايين اهو .. اسمعي اوعي امك تطلع من الأوضه مش ناقصين ۏجع دماغ ..
هند لا يا حبيبي ما تقلقش انا نبهت عليها وما تطلعش بره الاوضه ..
هند بدلع حاضر يا قلبي ..
هند فعلا قفلت الباب بالمفتاح بالراحه .. وشوية وأهل جوزها جم .. فضلوا يتكلموا ويضحكوا وياكلوا .. أما سميرة كانت سامعه صوت ضحكهم وبتبتسم من قلبها وبتدعي لبنتها بالسعاده بس فجأة حست انها عايزة تخش الحمام ..
سميره يا دي الحوسه طب اعمل ايه انا .. هحاول اخرج من غير ما احد منهم يشوفني وكده كده الحمام جنبي على طول ..
سميرة جت تفتح الباب لقيته مقفول .. ف قالت تستني شوية أما بنتها تدخلها الاكل تبقي تروح .. فات ساعه وسميرة مستنيه .. مكنتش قادرة تمسك نفسها .. قامت و حاولت تاني ..
فضلت تخبط علي الباب وتنادي يمكن حد يسمعها بس هما كان صوتهم عالي ف مكنوش سمعينها .. و فجأة حست انها مش قادرة تمسك نفسها اكتر وهدومها اتبهدلت .
. هي قفلت الباب ليه بس .. طيب اطلع هدومي واحاول اغير .. بس ممكن اعمل صوت و يعرفوا اني هنا .. بس لا مش هعمل صوت ..
سميرة قامت تشوف هدومها فين وغيرت فعلا .. شوية و الناس مشيوا وهند راحت فتحت الأوضه واول ما دخلت ..
هند ايه ده .. انتي عملتي ايه هنا ..
سميره بصتلها بدموع يا بنتي قعدت احاول افتح الباب لقيتك قفلاه والله مقدرتش امسك نفسي ..
سميرة سامحيني يا بنتي أنا اسفه ..
وهند اعمل بيها ايه اسفه دي ...
هند خلت سميره فعلا تغسل السجادة .. كانت بتعملها وهي بتتالم بسبب رجلها .. وحاسه انها دايخه من قلة الاكل ونفسها بيضيق .. لكن جت علي نفسها و خلصتها ..
هند حتي بعد ما عملتيها منضفتش اوي .. انا هبقي اعملها قومي يلا ملكيش لازمه اصلا ..
سميرة قامت وهي تعبانه اوي ومش قادرة تقف ..
سميرة طيب انا جعانه اوي .. ممكن تديني اكل يا هند ..
هند اوووف طيب حاضر .. ادخلي الاوضه وانا جايه ..
سميرة
