اختي وجوزي في العيد _كامله_بقلم هويدا زغلول
البيت وقالها
نورتي بيتك يا ماجده انتي وعلا
ماجده
تسلم ياحسن ده نورك ربنا يخليك لينا
علا
عمو حسن هي سماح بنتك صحيح لسه متجوزه قريب مش كده
حسن
اه يا علا دي لسه بقالها اسبوع لسه عروسة يعنى عقبالك يارب
ماجده
يارب يسمع منك يارب ياخويا
علا
بس يكون غني ومبسوط زي جوز سماح كده يعني عريس اقل من كده مش هوافق عليه
ماجدة
ههههه يوه كاتك ايه ياعلا ټموت في الهزار كده
حسن
سبيها ياماجدة وانتي ان شاء الله ياحبيبتي يجيلك عريس احسن كمان من جوز سماح بنتي
وعندي في البيت كنا قاعدين عند حماتي ومحمود قالي
ابوكي اتجوز ياسماح وجاب مراته تعيش معاه تصوري انها مع بنت في سنك تقريبا
ايوه ما انا عرفت يامحمود يلا ربنا يسعده يارب
الحما
ياختي هي الرجاله لما بتكبر بتتهطل كده ليه هو ابوكي ده صغير ولا صغير عشان يروح يتجوز بلا نيلة
سماح
بس بابا مش اتهطل ياحماتي بابا راجل وكان هيبقا لوحدة من بعد مانا سبته واتجوزت عشان كان لازم يتجوز واحده تشوف طلباتة
محمود
والله ياسماح ابوكي ده طلع خلبوص وشكله لسه عايز يرجع شبابة تاني مع العروسة الجديدة راجل جامد
سماح
يعني يا محمود انا لو روحت ولا جرا لي حاجه هتتجوز من بعدي ولا هتعيش على ذكرياتنا سوا
الحما
زكريات ايه يام زكريات انتي ايوه طبعا ابني من بعدك يتجوز علطول هي دي فيها كلام برضو ولا ايه
صحيح هو الراجل لما مراته تروح هيعيش لوحده ليه يعنى ده لازم يتجوز طبعا
اتغظت من كلام حماتي ومحمود وقولت لهم
انا طالعة شقتي يامحمود لما تخلص كلام مع مامتك عن اذنكم
وسبتهم وطلعت شقتي وحماتي قالت لمحمود
هي مالها مراتك يامحمود ايه زعلت ولا ايه
محمود
ولا زعلت ولا حاجة يا أمي سيبك منها بقولك ايه يا أمي خودي الفلوس دي شيليها معاكي انا كده مديكي لحد دلوقتي متين الف تمام كده
الام
ماشي ياضنايا بس بقولك ايه متعرفش البت مراتك دي انك بتشيل فلوس معايا لتقولك اشمعنا امك والكلام بتاع النسوان انا عارفاه خلي الموضوع بيني وبينك كده
اكيد يا أمي طبعا وبعدين هي مالها هي تعرف ولا ما تعرفش هي بتجيب لي حاجه من بيت ابوها ده كله تعبي وشقايا
الام
اه ياحبيبي كله من خيرك انت بس انا يعنى بقول لحسن تقل بعقلها وتتكلم معاك في فلوس ولا حاجة
وعدت الايام وجه رمضان وانا قولت لمحمود
انا عايزة اروح أزور بابا يامحمود عايزة اروح اطمن عليه واقضي معاهم اليوم وافطر معاهم أصله وحشني اوي بقالي كتير مش روحت له
محمود
عايزة تروحي امتى عشان اوصلك مانا مش هسيبك تروحي لوحدك
سماح
طيب ما اروح له النهاردة وتاخدني معاك وانت رايح شغلك وتسبني وترجع اخر النهار تاخدني من عندهم
طيب خلاص شوفي لو امي مش عايزاكي في حاجة النهارده كده لو كده اخدك معايا وانا ماشي انما لو امي عايزاكي تعملي لها حاجة يبقا خليها يوم تاني
سماح
انا مخلصه لها كل حاجة في البيت يعني اكيد مش محتجاني في حاجه
محمود
ماشي ياسماح جهزي نفسك على ما البس عشان انزل اروح الشغل
وفعلا لبست وروحت عند بابا وهو كان في شغله ومراتة قالت لي
يا اهلا وسهلا ازيك يا سماح ياترى عامله ايه مع جوزك وامه مبسوطه كده ولا مزعلك قولي قولي انتي زي علا برضو
سماح
انا كويسه يامرات ابويا وجوزي وحماتي كويسين معايا الحمد لله
علا
بس انا سمعت يا سماح ان حماتك دي وليه عقربة ويتفاتلها بلاد مش كده برضو ولا ايه
سماح
والله انا لحد دلوقتي ماشوفتش منها حاجة وحشه ياعلا اه هي ساعات بتتعصب عليا بس بترجع وتصالحني
