رواية للخذلان وجه اخر بقلم مني كاملة

علي سليم مني صح 
ميرنا بدموع ... اه صح انا خسړت حاجات كتير اوي عشان سليم مش هقدر اخاطر باي حاجة تخصة مش هقدر والله انا اسفة 
حمزة ... بس انتي واثقة اني بحبه والله بحبه جدا وهكون له الاب اللي انتي حلمتي بيه اديني انتي بس فرصة واحدة 
ميرنا لسة هترد قاطعها حمزة
حمزة ... مش عايز رد منك دلوقتي ممكن مش عايز اسمع رفض دلوقتي ارجوكي فكري وبعدين ردي 
هزيتلة راسي بموافقه و رجعنا ع ترابيزة اللي كنا قاعدين عليها تاني وطول الوقت وأنا دماغي مش بتبطل تفكير في طلب خالد و حب حمزة ولما حسيت بزحمة في دماغي كنت محتاجة اي اشارة اعرف اعمل ايه حيت خارجة من البيت لاقيت مني في وشي وبتصبح عليا ولاقتيني بطلب منها معاد ف العيادة و اهو اديني قاعدة معاكم مش عارفه اعمل ايه اوافق ع حمزة و ادي قلبي فرصه يحب و يتحب طب وسليم ممكن أضحي بيه زي ما أبوة ضحي بيه و خالد اتصرف ازاي معاه مش عارفه إجابة
لاي سؤال بيجي ف دماغي ف جيت هنا 
مني ... حبيتي حمزة لا بتنسي بيه حبك ل خالد 
ميرنا ... انا من قبل ما يظهر حمزة
وانا مفيش في قلبي اي مشاعر لخالد 
مني ... حبيتية 
ميرنا بحزن ... أه حبيتة وإلا مكنتش اكون ف مشكلة دلوقتي 
مني .. يعني حاليا خالد مستني منك تلفون و حمزة مستني منك رد صح 
ميرنا ... اه وانا لا عارفه اعمل دا ولا اعمل دا
مني ... هرد عليكى بعد ما نسمع نرمين ها يا نرمين اتكلمي 
نرمين بصوت واطي و توتر .. ا اتكلم اقول ايه 
مني ... قولي انتي هنا ليه مين خذلك 
نرمين ... انا انا اللي خذلت نفسي و ضيعتها انا اللي مرضتش بنصيبي و عندت لحد ما كل حاجة ضاعت مني انا السبب في كل اللي ييجرالي كل واحدة فيكم اللي حواليها خذلوها الا انا كنت سبب خذلان اقرب ناس ل قلبي ولحد دلوقتي مش مسمحني
الفصل الرابع عشر
الحكايه الثالثة
بين الواقع والخيال
مني ... قولي انتي هنا لية مين خزلك 
نرمين .. انا انا اللي خزلت نفسي و ضيعتها انا اللي مرضتش بنصيبي و عندت لحد ما كل حاجة ضاعت مني انا السبب في كل اللي بيجرالي كل واحدة فيهم اللي حواليها هما اللي خزلوها الا انا كنت سبب في خزلان اقرب الناس ليا ولحد دلوقتي مش مسمحني
مني ... احكي يا نرمين اية اللي حصل 
نرمين ... انا من يوم ما وعيت علي الدنيا و انا بسمع نرمين ل اسلام ... اسلام يبقي ابن عمي وفعلا و انا في ثانوية عامة هو كان في تالتة كلية تجارة اتقدملي رسمي و بابا وافق و لبسنا دبل ماما بس اللي كانت شايفة ان الخطوة دي كان بدري اوي عليها بس بابا قالها كدة كدة هما لبعض يبقي الاحسن يكون رسمي قدام الناس كلهم ... قبل ما نتخطب انا تقريبا مكنتش بتكلم كلميتن ع بعض مع اسلام ديما ف وجودة كنت بتوتر و بتكسف جدا وهو كان ديما يهزر و يحاول يفتح معايا كلام وبعد ما اتخطبنا بقينا نتكلم في التلفون كل يوم و اتعلقت بية اوي وقولتلة بحبك قبل حتي ما هو يقولهالي
وقعدنا مخطوبين سنة خلصت فيها ثانوية عامة و كنت حسة اني طايرة و دخلت كلية آداب فلسفه وانا في أول سنة ليا في الجامعة حسيت أن اسلام متغير معايا بدء يبعد عني مش بيرد ع تلفوناتي مش بيجي عندنا يقولي أنة مشغول والاقية اون لاين ع الفيس حاولت كتير اعرف ماله أو ايه غيرة مكنش بيرد عليا لحد ما في يوم قررت اني لازم افهم عرفت من بابا أنه نزل تدريب في شركة جمب آخر سنة له ف الجامعة و اتصلت ب نيرة اختة قعدت اتكلم معاها لحد ما عرفت اسم الشركة و مكانها و من النت جبت العنوان بالتفصيل و رحت وقفت قدام الشركة عشان اشوفو واتكلم معاه
لاقيتة خارج و معاة واحدة و بيضحكو ويهزرو باين عليهم انهم واخدين علي بعض اوي جريت ناحيتة و وقفت قدامة و سالتة مين دي اتوتر شوية وهي كانت ثابتة 
فلاش باك 
نرمين ... بسالك يا اسلام مين دي 
منة ... انا منة زميلة اسلام في الشغل و الكلية 
نرمين ... والله وياتري تعرفي انا مين 
منة ببتسامة ... اة بنت عم اسلام
نرمين ... و خطيبتة علي فكرة هو مقالكيش
منة .. تؤ تؤ دي صفة مؤقتة انتي الصفة الدائمة بتاعتك انك بنت عمة وبس خطيبتة دي هتنتهي قريب اوي لان في غيرك احق بيها 
نرمين ... ما ترد يا ابن عمي انت سامع هي بتقول اية 
اسلام ببرود ... اه سامع لو سمحتي روحي يا نرمين وانا هكلم عمي و اجيلكم انهاردة بالليل يلا يا منة
وسبني واقفة ومسكها