رواية بقلم نشوي عادل

لحظة صعبة عدت عليه عشان يجمعك بيه ربنا فى الحلال واد الظروف اللى عديتوا بيها فى جوازكم من اول ما شقتكم اتحرقت لحد تعبه اللى قعده ٦ شهور بالسرير من غير شغل واد كل مرة قالك فيها انا سندك وضهرك وراجلك واد كل مرة كنتى تضايقيه فيمشى من غير ما يمد ايده عليكى ويقولك انتى تاج راسى يا وصية رسول الله بس يا سيتى
دمعت رنيم انا فعلا تعبته اوى يا بابا ومعترفة بده بس تفتكر هو ممكن يعرف حد من بعدى 
ادم من بعدك ! هو معرفش قبلك ولا بقى عاوز حد تانى بعدك هو اكتفى بيكى عن الدنيا بناسها 
كانت رنيم بتبصله شالت النضارة من ع عيونه

ادم باستغراب منها رنيم من فضلك متلعبيش ع اوتار اعصابى اكتر من كده وفهمينى فى ايه!
رنيم كانت مترددة تقوله ازاى وخۏفها من انه يبعد عنها كان قاتلها استجمعت قوتها وقالت انتى عارف انى تعبانة صح!
ادم ياربى شوية تعب قولون يخلوكى كده ده نص الشعب المصرى مريض قولون يا قلبى وانا منهم
رنيم انا مش بس مريضة قولون يا ادم انا مريضة کانسر
بس انا مش مريضة قولون يا ادم انا مريضة کانسر اظن انت لاحظت الډم اللى كنت بنزفه وطلبت منى انى اكشف وفعلا روحت وعملت تحاليل والدكتور قالى انه کانسر كنت مفكراه غلطان وروحت حللت فى تلات اماكن والنتيجة واحدة 
كان ادم بيسمع وهو مش مصدق ولا مستوعب معقول ممكن فى يوم يخسر حبيبته وميلاقيهاش ابتسم وهو بيقول طب وايه يعنى مش اول ولا اخر اختبار لينا يا قلبى هنعدى الصعب مع بعض
رنيم بعياط هاخد كيماوى شعرى هيقع مع الوقت وجسمى هيضعف ومش هبقى حلوة وهتتجوز غي........
ادم مقاطعا مفيش واحدة فى الكون ممكن تملى عيونى غيرك حتى لما تبقى عجوزة كركوبة هتفضلى بنظرى احلى واجمل ست انا اكتفيت بيكى يا رنيم وما صدقت انك بقيتى معايا
رنيم توعدنى !
ادم اوعدك يا عيونى 
عدى الوقت ونامت رنيم ونزل عند والدته كانت قايمة تصلى الفجر لقيته بيفتح ودخل 
نبيلة بقلق ايه يا ادم سايب مراتك ليه يا ابنى ونازل فى وقت زى ده 
لاحظ ادم ان نور غرفة اخواته البنات مفتوح وعرف انهم صاحيين مسك ايدها تعالى ندخل اوضتك يا امى .... بالفعل دخل واول ما دخل وابتدى يعيط بهيستريا وكانت اول مرة والدته تشوف دموعه من يوم ۏفاة ابوه 
نبيلة پخوف بسم الله الرحمن الرحيم مالك يا قلب امك فى ايه يا حبيبى
ادم تعبان ومكسور اوى يا امى الدنيا مصممة تلاعبنى وتخسرنى اللى بحبهم انا مش هستحمل اعيش من غير رنيم دى الروح اللى فى جسمى 
نبيلة مالها رنيم يا ابنى انا مش فاهمة حاجة !
ادم رنيم طلعت مريضة سړطان يا امى 
نبيلة بخضة ودموع