تميم

لازم يكون قدام الكل
خرجت كيان ووقفت قدام عمها عاصم وجمعت نفسها وقالت بهدوء 
عمي بعد اذنك انا في طلب ليا قبل اي ارتباط بيني وبين تميم 
انا عاوزة شقة مستقلة ليا وتكون بعيد عن هنا
كشړ تميم باستغراب لانه مكنش متوقع انها تقول كدة وخصوصا انها عارفة انه ملوش غير ابوه فازاي تطلب طلب زي ده فقاطعها وهو بيقول بجدية وهو جاي من وراها 
اعتقد انك عارفة ان بابا ملوش غيري فازاي عايزاني ابعد واسيبه عايش لوحده 
ردت كيان بحسم وهي بتروح جمب عمها وبتقعد قدامه وبتتجاهل تميم تماما 

هو ده شرطي الوحيد يا عمي ومش هتنازل عنه
اضايق تميم من تجاهلها ليه بالطريقة دي ولقي عاصم بيقولها بحنان 
طب عرفيني ليه عايزة تبعدي يا كيان معقولة عايزة تسيبيني وتعيشي بعيد عني عن عمك حبيبك
علي عيني اني ابعد عنك يا عمي بس تميم مش هيوافق اننا نعيش هنا مع حضرتك فاحسن حل اني ابعد واعيش بعيد
يعني عادي اننا نتجوز و نعيش مع عم عاصم يإما نبعد معني كدة ان سبب قرارك ده هو بابا 
قال كدة تميم باستغراب واندفاع وهو بيبص لكيان بشك وهي اتوترت وبصت للكل اللي مستنين ردها علي كلام تميم لكنها قامت فجأة وقالت بتهتهة قبل ما تسيبهم وتخرج من الشقة كلها 
لا طبعا مش كدة بس ههو ده شرطي الوحيد ومش هتنازل عنه 
جريت كيان من قدامهم ومشيت بسرعة عشان تهرب من نظرات الشك اللي في عيون الكل خاصا تميم دخلت اوضتها واترمت علي سريرها وفضلت ټعيط جامد كانت بشهق من كتر عياطها وبعدين بقت تكلم نفسها وهي بټعيط 
يعني اقولهم ايه بس اقول لتميم ايه اني مش عايزة اعيش مع ابوك اللي حاول انا معرفش ليه
تاني يوم كانت كيان قاعدة في شقتها ومرضيتش تنزل خالص خوفآ من اللي حصل عند عمها امبارح وان حد يسألها تاني عن السبب اللي مخليها ثابتة علي موقفها وشرطها وهي سرحانة الباب خبط ففتحت وهي معتقدة انه اكيد حازم بس اټصدمت لما لقت صابر قدامها بلعت ريقها پخوف وتوتر وحاولت ميبانش عليها الخۏف وقالت بتهتهة 
انت ايه اللي جابك هنا 
بصتله كيان بقرف وهي بترجع لورا وردت بحدة 
لو سمحت اخرج برة والا هصوت والم عليك البيت كله واعرف ان سكوتي علي تصرفاتك مش خوف مني لا انا بس خاېفة علي مشاعر تميم لما يعرف حقيقتك ط
كيان بصتله باحتقار وردت وهي بتمسح دموعها پعنف 
انت ازاي كدة ده انا قد بنتك ازاي تعمل اللي بتعمله ده ازاي قدرت تبصلي وانت عارف ان ابنك بيحبني وعاوزني 
صابر ضحك بسخرية ورد وهو بيبص لكيان من فوق لتحت بخبث 
من قبل ما اعرف ان تميم بيحبك ولو هو ده المانع اللي مخليكي رافضاني فانا هقولك سر بس بيني وبينك الواد تميم مش ابني هو في الحقيقة ابن مراتي بس انا بقي اعتبرته ابني وكبرته وعلمته مش هيبصلي بقي في اللي انا عاوزها كمان ها ايه رأيك دلوقتي انفع 
امشي اطلع برة والا هنده علي عمي والكل واعرفهم حقيقتك برررة واعمل حسابك اني هتجوز تميم وهاخده ونبعد عنك وعن قرفك للابد
صابر اتعصب من ټهديد كيان ليه وبص بحدة ليها وقرب منها وكان لسة هيتكلم