عشق الملاك بقلم علياء بطرس
احلى جدين فالعالم
ثم قبلت جدها وجدتها سألها جدها
اتأخرتي يا حبيبتي قلقت عليكي
اجابته ملاك
اصل حصل شغل مفاجئ ومستر امجد طلب مني اني اساعد مها وهو هيوصلني بالليل
انتبهت جدتها لشئ قائلة
مش ده الطقم الي نزلتي بيه الصبح يا ملاك
اجابت ملاك بتعلثم
اصل اصل مها وهي بتصب عصير دلقت عليا وبهدلت هدومي وكان عندها طقم بالمكتب احتياط للطوارئ فلبسته والۏسخ خدته عشان تغسله
يلا يا جماعة تصبحوا على خير واه يا تيتة متصحنيش بكره بدري معنديش جامعة
كادت ان تذهب قبل ان يستوقفها جدها متسائلا
معرفتش ردك على الاستاذ عماد يا ملاك
توترت ملاك من الموضوع ثم اجابت بهدوء
انا فكرت ومش موافقة انا لسا قدامي سنين جامعة وبعدين انا مش شايفة اني قد المسؤلية فكل شئ قسمة ونصيب
مساء الخير
مساء العسل ها حصل ايه
مفيش بس شوية اسألة من جدو على اشوية من تيتة وعدى الموضوع
صباحا
تململت ملاك على صوت هاتفها التقطته ووضعته على اذنها دون النظر لهوية المتصل قالت بصوت ناعس رقيق
الو
أتاها صوته الغليظ
صباح الخير
هبت ملاك ونظرت لهاتفها فوجدته هو
ادهم صباح النور
ضحك ادهم
واضح انك لسا نايمة يا كسولة
اصل النهاردة معنديش جامعة فقلت اقضيها نوم
انا رايح على الشركة حبيت اسمع صوتك قبل ما ابدأ يومي هكلمك ببريك الغدا اوكي مع السلامة
اوكي خد بالك من نفسك باي
اغلقت الهاتف واخذت تقفز على السرير حتى اصبحت تلهث من التعب والابتسامة تزين وجهها الصغير
وخرجت لتشاكس جدتها قليلا
بعد قرابة الساعتين في الشركة نجد ادهم يدلف لمكتب امجد
ايه الي جابك الي كنت بتتحجج بيها مش هنا
لم يجيبه ادهم والقى على الطاولة علبة هاتف جديد
ايه ده
قال ادهم مستهزئا
دي علبة صلصة لطنط سلوى عشان تعملك مكرونة بيها انتا شايف ايه قال الاخير بصوت عالي
انا شايف موبايل جديد لمين ده ليا
لأ مش ليك ده لملاك
الله يسهلو بدأت الهدايا والحاجات الجامدة
وجايبه ليا ليه متدهلها
عض ادهم شفتيه متمالكا اعصابه فابن عمه يجعله يغضب في ثواني
امجد متستظرفش انتا هتديه لجدها وتقوله انه هدية منك عشان ملاك ادتك فكرة للمشروع والفكرة عجبت المستثمرين ولو النهاردة بالليل الموبايل ما كنش معاها انتا المسؤل قدامي
وخرج متجها لمكتبه وجد مساعده شريف ينتظره
ها يا شريف ايه حصل
مد له شريف فلاشة وقال
دي الفلاشة الي عليها صور....
كاد ان يكمل حتى نظر له ادهم نظره اخرسته
والولد حصله ايه
هز ادهم رأسه متفهما واخذ نفسا من سېجاره الفاخر
تمام في حاجة عاوزها منك اسمعني كويس
في مدرس اسمه عماد جار الحاج حسن عاوزك تقابله وتسفره على الكويت وتمسكه اي مدرسة هناك وتجهزله عربية وبيت له ولامه عاوزك تزغلل عنيه خلال يومين مش عاوزه فمصر كلها
انت فاهم
فاهم يا فندم تؤمرني بحاجة تانية
لأ روح انتا وانزل على الحسابات في شيك بمليون جنيه ليك وللرجالة
يدوم عزك يا بيه
جلس ادهم على كرسيه الوثير يتابع بعض الملفات
امسك هاتفه للاتصال بها وبعد عدة ثواني اتاه صوتها الرقيق
مساء الخير
مساء النور عامل ايه
تمام ....
قاطعه دخول امجد المفاجئ لعڼ ادهم تحت لسانه من اسلوب ابن عمه واشار له بمعنى اتحدث معها
اماء له امجد مشاكسا وقال بصوت عالي متعمدا حتى تسمعه ملاك
ادهم بتكلم مين اكيد داليا
ضغط ادهم على كاتم الصوت وقال
انتا اټجننت ايه الي بتقوله ده داليا مين وقرف مين
اصلى حبيت احط التاتش بتاعي الملف الي طلبته على المكتب سلام يا روميو
اعاد وامسك بهاتفه
ها كنا بنقول ايه قبل ما يدخل الثور ده
ضحكت ملاك
حرام عليك والله مستر امجد ده عسل اوي
جن جنونه
نعم مين ده الي عسل
انتبهت ملاك لما قالته
ااااقصد يعني .....
قاطعها هاتفا
اقصدك ولا مش قصدك مسمعكيش بتجيبي سيرة راجل تاني لو اتكررت مرة تانية حيحصل كويس
رفرفت ملاك برموشها محاولة ان لا تنزل دموعها فهي لم
