رواية إلى لقاء قريب بقلم آيه محمد

إلي لقاء قريب الفصل الاول بقلم آيه محمد حصريه وجديده 
ابني بيتصرف تصرفات غريبة.. 
زي اي 
بيصحي يسأل علي واحده اسمها زينة بيقولي أنا لسه سايبها هنا راحت فين مع انه بيكون نايم بالسبع والتمن ساعات.. 
_ طب هل بتحسي بحركات غريبة منه وهو نايم بيتكلم مثلا!! 
لا خالص يا دكتور دا بقي نادرا ما يتحرك وهو نايم وهو مكانش كدا زمان.. 
_طيب بعد ما يسألكم عنها وتقولوا مفيش حد ايه اللي بيحصل! 
ولا حاجه بيدخل يغسل وشه و يخرج ولا كأنه سأل عن حد و كل يوم علي نفس الوضع و حتي لو قولناله انت سألت عن كذا بيستغرب وبينسي تماما.. 

_ طيب ممكن تقنعيه يجيلي هنا العيادة!!
صعب أوي نقنعه هو مبيفتكرش اي حاجه اصلا.. 
_ جربي يا امي يمكن يكون من نفسه حاسس بمشكله وأنتي تحطيه علي أول طريق العلاج.. 
تمام هجرب و ربنا يستر.. 
_ دكتور نفسي!!! انتي اټجننتي في عقلك انتي كمان!
أنا هتجنن لو معرفتش ابني فيه اي يا علي! حرام عليك أنت مبتحسش بيا كل يوم الصبح وهو بيسألني عنها!!
_قولتله هناخده لشيخ و دا الحل السليم انما هندخل نفسنا في دكاترة وادوية و مش بعيد يدخل ابنك مصحه هتبقي مبسوطه لو دا حصل!!
_مصحه!!
اه اومال انتي فاكره اي يا هانم! ابنك بيتخيل واحده كل يوم وبيسأل عنها وبيدور عليها و في لمح البصر بينساها هيقولوا عليه مچنون..
قالت پصدمه 
_لا بعد الشړ انا ابني مش مچنون..
قال بهدوء 
_أنا وأنتي عارفين كدا يا ليلي علشان كدا بقولك هناخده لشيخ يمكن واحده سحراله ولا حاجه..
قالت بقلق 
_طب أجل الخطوة دي شوية يا علي بالله عليك وأنا يوم الجمعه هبخر البيت و هرقيه و امسح بماية وملح..
سمعوا صوته علي باب الشقه فأوقفوا حديثهم علي الفور و ذهبت والدته سريعا لإستقباله.. 
دلف أدهم و نظر لوالدته بتعجب 
اي يا ماما واقفه كدا ليه!..
مستنياك يا حبيبي يلا ادخل غير هدومك علي ما اجهز العشاء ..
قال بتعب 
لا يا ماما مش جعان انا بس عاوز أنام ..
اي يا ابني
دا بقي أنت بقيت تيجي من الشغل تترمي علي السرير وتنام كل