حكاوي جهاد محمد

أجبلك الكشك على كتفي ولا ايه
كتمت الضحكة ورديت ببرود وأنا بفتح الشنطة وبشوف فيها ايه 
دا أقل واجب يعني  
خد الشنطة تاني پعنف 
طب والله خسارة فيكي بقى 
قولت بصوت عالي وأنا بحاول أخدها تاني 
هات يا بخيل أنا كدا هاكل ايه
رد من غير ما يبصلي 
كلي ف نفسك يختي 
ياك خوت مش عايزة منك حاجة 
بصيت من شباك العربية على الطريق بكل كبرياء وعزة نفس وشغلت الصمت العقاپي وتقريبا جاب نتيجة لاحظت إنه كل شوية يبصلي شوية ولقيته بيمد إيده بالشنطة هأهأهأهااو شربتها يا كروديا!
بصيتله بتكبر 
خير
خدي اطفحي 
قلبت بوقي بقرف 
انت قولتلي انت عيشت عمرك برا مصر
هز راسه فكملت 
كنت عايش مع حمير الغابات ولا ايه
جز على سنانه وابتسم 
لا والله أنا لسه شايفك النهارده 
ابتسمت بسماجة 
ايه العلاقة أنا بقول حمير الغابات مش فراشات الحقول 
انتي هتاخدي الشنطة ولا أرجع في كلامي
كان شكله زهق فعلا ف خدتها بهدوء أنا بقول أكن دلوقتي بقى عشان ميرمنيش برا العربية 
يا آنسة انتي يا ولية اصحي وصلنا 
فتحت عيني نص فاتحة 
ايه دا انت مين
يتبع 
جهادعامر
حكاويجهادعامر
رواية والله العظيم ماهسيبك الفصل السابع بقلم جهاد عامر
ايه دا انت مين
رفع حواجبه ورجع راسه لورا 
أصلا
غمضت عيني ثانيتين وفتحتهم وبصيتله وابتسمت 
اه خلاص افتكرت متتخضش كدا 
ضيق عينه بارتياب من ابتسامتي ف سألته بنفس الابتسامة 
مالك
انتي اللي مالك
ضحكت 
أنا لما بصحى من النوم بمشي أوزع ابتسامات ولساني مبيعرفش يقول كلام مش لطيف 
رفع حواجبه بدهشة 
دا بجد!
ضحكت تاني 
اه والله 
عينه وسعت 
واو 
ابتسمت وأنا بتعدل 
يلا بقى أقولك تدخل البلد ازاي 
هز راسه وبص للطريق وهو لسه في حالة الدهشة شرحتله الطريق لحد ما وصلنا للبيت 
بس هنا يلا انزل يا أستاذ آدم نورتنا 
رفع شفته اللي تحت پصدمة فضحكت بصوت عالي 
اديني نص ساعة بس على ما أعرف أرجع لساني تاني 
ابتسم أخيرا أي نعم ابتسامة فيها دهشة بس أهي
ابتسامة وخلاص 
حمد لله ع
السلامة يا ست البنات 
ابتسمت بحب 
الله يسلمك يا عم يوسف بابا جوا
اه توه داخل يريح كان عم يسجي الورد بتاع حواا الجمر فضلت أتحايل عليه أسجيهم مكانه مرضيش واصل 
ضحكت  
ربنا يباركلي فيكوا يا عم يوسف يارب أعرفك أستاذ آدم ابن الحاج علي الصعيدي الله يرحمه 
وشه فرح بس قبل ما ينطق سمعت صوت تاني 
يا ألف مرحب يا ألف أهلا وسهلا 
بصينا على بابا اللي جه ووشه كله فرحة آدم بلهفة غريبة والتاني كان بيضحك بحيرة 
ازيك وازاي الحاجة
ملحقش يرد عشان ماما جات وسألت بنفس اللهفة 
مجتش معاك ليه طمني عليها!
هو كان واقف محتار مش عارف يعمل ايه فلحقته 
بالراحة على الراجل يا جماعة دا لسه مقلش ازيكم!
بابا بصلي وابتسم  
ماشي يا لمضة يلا ندخل نتغدا وبعدها نشوف ايه اللي لمك عليه وجبتيه ازاي 
بصينا لبعض بقلق وسمينا الله ودخلنا 
شكرا الأكل جميل 
بابا ضحك على كلامه 
مرحب يا آدم والله 
متشكر 
برقتله ف ضم حواجبه باستفهام بابا ابتسم ورد 
مسمهاش متشكر يحبيبي اسمها الله يرحبك 
كملت وقولتله 
ومسمهاش الأكل جميل اسمها يدوم العز يا حاج 
ابتسم پحقد وقال لبابا بإحراج  
اعذرني حضرتك معرفش معظم الردود هنا 
لا متقلقش الشهر اللي هتقعده هنا هنعلمك كل حاجة 
برق وبصلي فكتمت ضحكتي 
رد بسرعة 
لا لا شهر ايه يا عمو أنا يا دوب أمشي النهارده أو بكرا بالكتير 
بابا ابتسم 
أولا أنا مسميش عمو أنا اسمي عم محمد أو آبا محمد اللي تشوفه 
آدم مستوعبش في الأول هو ايه علاقة دة باللي قاله بس ابتسم وهز راسه 
حاضر يا عم محمد 
ثانيا تليفون صغير وأجل كل شغلك في مصر الفترة دي وهنطلع عربية دلوقتي تروح تجيب الحاجة وكام ساعة وهتكون هنا 
بصلي تاني ف ابتسمت وأنا برفع كتفي بقلة حيلة 
والله يا عم محمد
معلش مش هينفع و 
بابا قام وقف 
طب قوم بس خد دش كدا وغير هدومك وارتاح من الطريق وبكرا نتكلم 
مشي مع بابا وهو بيبصلي باستغاثة بس استغاثة مين!
بت انتي فهميني دلوقتي ايه اللي بيحصل عشان مش مرتحالك 
أفهمك ايه بس يا ماما!
عرفتي آدم ازاي وجبتيه ليه
اتهربت من عنيها 
أنا قابلته في القاهرة واتعرفت عليه وعرفته بس 
رفعت حاجبها بسخرية 
يا بت قابلتيه واتعرفتي عليه وعرفتيه مختومة على قفايا أنا بقى!
ضحكت 
انتي ألفاظك بقت في النازل خلي بالك 
ابتسمت 
البركة فيكي يا أم لسانين 
أي خدمة يا مصر 
المهم قولي يلا 
اتنهدت وبصيتلها 
يا ماما روحتله وقولتله لازم ييجي يقول إنه ميعرفش
حاجة عن الاتفاق القديم دا ولازم ننتهي 
مطت شفايفها 
يا
ليه يا ماما هو جاي من الهند
لا يختي بس بصي على والدته وأخواته لما جم لبسهم وطريقة كلامهم وأسلوب حياتهم مش شبهك أنا عارفاكي يا حواا مش هتعرفي تتأقلمي في البيئة دي متخليش العند يضيع عمرك اللي جاي 
سكت لحظة وقولت ببرود 
عند ايه بس!
ابتسمت 
عند مع التحكمات اللي عليكي وقرار أبوكي اللي خده من زمن وكرامتك رافضاه تقومي تجيبي واحد لا انتي مقتنعة بيه ولا بعيشته لمجرد العند 
بصيتلها وقولت بقوة 
أيوا ما أنا مش موافقة يعني ايه أكبر طول حياتي مرسوم في خيالي واحد معرفوش والمفروض استناه ومبصش لراجل على أمل ظهوره 
ابتسمت 
طب اهدي انتي قولتيله ايه
هو مين
آدم 
خدت نفس وقولت بصبر 
طبعا مقولتش إني عارفة الموضوع من صغري قولتله إني لما قولت لبابا إن في حد في حياتي قالي بقى واتفاجئت وكدا 
ابتسمت  
طب قومي يلا ارتاحي وسيبيها على الله ربنا يقدم الخير 
يلا يا حواا بسرعة قبل ما الراجل يصحى 
ما يصحى يا ماما هو السلطان عثمان! ما يقعد شوية 
طب روحي خلي بابا يصحيه يلا 
خدت نفس وطلعت من الصبح مصحياني وعمالة تعمل أصناف وأصناف من الأكل الصعيدي قال يعني الولا عمره شاف أكلنا!
كنت ماشية ببرطم قبل ما أخبط في حد مفاجأة غير متوقعة بالمرة طلع آدم! 
صباح الخير 
صباح النور كنت لسه هخلي بابا يصحيك 
رد بتكشيرة 
شكرا صحيت لوحدي
رفعت حاجبي 
مالك يا بيضة زعلان ليه
برقلي لوهلة خۏفت بصراحة بس مبينتش فبصيتله ببرود 
المسلسل الهندي اللي أنا فيه دا هيخلص امتى أنا عايز أروح!
فتحت كف إيدي 
ما تروح حد ماسكك
ضړب ضهر إيده بإيده 
أبوكي 
كتمت ضحكتي 
والله محدش قالك اسمع كلامه قوله الكلمتين اللي جاي عشانهم واتكل على الله 
طب انتي أحف ومعندكيش زوق أنا مالي بيكي!
رفعت حواجبي وعيني وسعت لحظة والتانية واتفتحت في الضحك! كنت بضحك بصوت عالي وحقيقي 
انت جبت كلمة أحف دي منين!
كان بيبص عليا وأنا بضحك بانبهار 
سمعتها من شوية واحد كان بيقولها لصاحبه 
ضحكت تاني فابتسم 
هيا معناها ايه
خدت نفسي 
هبقى أقولك بس المهم متقولهاش لحد غيري لاتنضرب 
ابتسم ب لؤم 
ايه دا يعني أقولهالك علطول!
رفعت حاجبي 
قصدي متقولهاش تاني يعني يا ظريف ويلا بقى عشان تفطر 
ايه رأيك ف أكلنا يا آدم
جميل يا طنط تسلم إيدك 
ابتسمت بخبث وبصتلي 
تسلم إيد حواا هيا اللي عاملة 
شرقت فناولني الماية خدتها منه فبصتلي بخبث والله يا ماما حركات الخباثة دي ما لايقة عليكي بالمرة ومفقوسة أوي 
طب يا عمي بعد إذنك عايزك بعد الأكل في كلمتين عشان أتكل على أمشي 
بصناله وبابا اتكلم 
ماشي على فين
بصلي ورجع بصله 
على القاهرة 
ليه
ابتسم بحيرة 
عشان ماما و 
الحاجة زمانها على وصول ايه تاني
ضم حواجبه باستفهام 
على وصول ازاي مش فاهم
بابا رد بسهولة 
بتعنالها عربية مخصوص تجيبها من بيتها تغير جو هنا كام يوم معاك 
رفع حواجبه 
وهيا وافقت
ضحك 
أكيد مش هنخطفها يعني عندك ايه تاني في مصر
شغلي 
خد أجازة يا سيدي 
بص لماما فضحكت 
مش هتعرف تفلفص منه 
ابتسم بقلة حيلة شاورتله بعيني عشان يقول لبابا بس عمل نفسه من بنها!!
بعد
شوية والدته وصلت بعد الترحاب الكبير والكلام الكتير