سحر سفلي
بس المرة دي كإنه لسه او مقتول حالا السرير كله!! وذباب كتير جدا مالي الاوضة!!!..
تليفون سماح رن وكان الشيخ وقالها انه تحت العمارة وطالع وبعد دقايق جرس الباب رن استقبلته وقولتله اتفضل لكنه فاجئني برد فعله وقف على عتبة الباب وفضل ساكت لثواني وبص لي بشفقه وهو بيقول
ربنا يعينك الموضوع كبير..
ودخل وهو بيتمتم بأشياء مش مفسره ووجهته لاوضة النوم عشان يشوف الغراب اللي راسه مقطوعه بس باب الاوضة ساعاتها اتقفل او لقيته مقفول حاولنا نفتحه بكل الطرق حتى حاولنا نكسر ومكنش فيه فايدة!!!..
البنت دي سابت سحر في الاوضة بتاعتكوا لكنه سحر كبير معمول من حد قوي واللي موجود هنا في الشقة بيوصف قوة السحر هنحتاج وقت وهنحتاج ان المدام تكون معانا...
فقولتله طيب ما نروح لنوران ونواجهها وساعتها تقدر تعترف بسهولة..
تليفوني رن وكانت حماتي كانت بتصرخ وبتقولي الحقني...
قفلت الشقة ونزلنا كلنا نجري خدتهم بالعربية وروحنا لبيت اهل مراتي ولقيتها في حالة رهيبة عنيها مبرقة وباصة للسقفوبتكلم حد!!.
حد مجهول ومش موجود فبدأ الشيخ يقرأ آيات من القرآن كنت متوقع هتتشنج وتكسر الدنيا لكن هي لفت رقبتها وبصت له پغضب وكإنها بتهدده بالمۏت!!!!..
قربنا منها وبدأ الشيخ يقرأ اكتر واكتر وهي في حالة ثبات غريبة وبعد حوالي ٥ دقايق الشيخ قال
سبوها ترتاح وتعالوا نطلع بره..
ولما خرجنا من الاوضة قال
فين الكيس اللي لقتوه
من حسن الحظ ان آيات احتفظت بيه وماسبتهوش في الشقة ولما ادتهوله قال وهو مخضوض
فتح الكيس وخرج اللي جواه عظام بشړية!! وشعر ولمونة فيها دبابيس وساعتها آيات قالت ان اللمونة والشعر مكنوش جوه الكيس اصلا..
فكان رد الشيخ عليها ان ده وارد وارد ان العين تعمى عن محتوى السحر الرئسي وانما هو قرأ حاجات وهو بيفتح الكيس فاظهرت المخفي..
عشان السحر ده يتفك لازم يدفن في المقاپرعشان السحر معمول اكتر على العظام دي فلازم ترجع التراب تاني!!!...
ولمحت خيال بيتحرك في الاوضة اللي نهى نايمة فيها او كانت هي وكانت بتناديلي بتشاورلي بايدها اروح كنت خاېف وخصوصا ان انا بس اللي واخد بالي قومت وقولتلهم هبص بس عليها واطمن ولما دخلت شاورتلي اقفل الباب وقعدت على السرير
وقعدت جمبها مسكت ايدي وهي بترتعش وقالتلي
ده مش عظم
