رواية وردتي السمراء بقلم سميه عامر

الوقت اتاخر 
بصلها بعصبية اه اكيد هوصلكم اكيييييد
مشيت قدامه وهي بتضحك وهي شايفاه غيران عليها 
ركبت العربيه و مشيوا 
وصلو البيت نزل الاولاد جريوا على جوا خصوصا لما شافوا مرات عمهم عند الباب ساجدة اللي جات تنام مع نورين و تتسلى معاهم 
عبدالملك بصوت تخين استني هنا 
وقفت و بصتله نعم 

انتي ازاي تتكلمي مع شخص غريب 
بس ده مش غريب ده صاحبك هو قالي كده 
هو بعصبية اكتر و مين قاله اني اعرفك 
اوبس اسفة صح انا اللي قولتله بس ثانيه انت اصلا مالك بكل ده هو عايز يتقدملي و ده موضوع يخصني و انت مالك بقى 
فضلت باصه في عيونه ايه كمل اكمل انا طليقتك 
ام ولادي 
و ليكن يعني ايه عايز ايه يعني أنا لسا صغيرة و من حقي اعيش 
ضغط على كتفها اكتر عيشي عييييشي وريني هتعيشي ازاي 
سابها و مشي و هو في قمه عصبيته و ضحكت هي و فضلت تتنطط على الباب لحد ما دخلت جوا 
ساجدة نورين في ايه صوتك عالي ليه كنتو بتتخانقو ولا ايه 
امم لا مش عارفة انا حاسه اني تعبانة و عايزة انام معلش يا ساجدة لو هتعبك تنيمي الاولاد 
ساجدة لا لا تعب ايه انا هنيمهم متقلقيش 
عدى يومين و كانت نورين بتسرح شعرها لما الباب خبط 
فتحت و كان شعرها مفرود على كتفها كان ابوها واقف قدامها ممكن ادخل 
بصتله بحزن اتفضل 
دخل و فضل باصص لها كتير و اخر ما فاض بيه ا و عيط انا انا اسف يا بنتي حقك عليا 
ته هي كمان و اڼهارت في العياط كان نفسي تسمعني وقتها ازاي هنت عليك يا بابا تعمل فيا كده من غير ما تسمعني 
حقك عليا خالتك حكتلي كل حاجه انا مش عارف اتأسفلك على ايه ولا ايه سامحيني 
ضحكت و خدته و قعدو خلينا ننسى اللي فات انا مبسوطة انك فهمتني حتى لو الوقت فات بس انت معايا دلوقتي و حط أيده على شعرها انا معاكي دايما 
فضل باقي اليوم عندها و عملت غدا و اتغدو سوا و
قعدوا في البلكونة 
طيب و انتي ناويه تعملي ايه مع ابن خالتك هترجعيلة
بصت للسما بحزن حتى انا مش عارفة اوقات بقول اني بحبه بس اوقات تانيه بفتكر كل الأوقات اللي زعلني فيها و خيانتة ليا في روما 
بس هو مخانش كان هيتجوز صح 
اه دي خېانة !
بس متجوزش مع أنه كان يقدر بس لانة بيحبك معملهاش حتى و انتي بعيدة عنه ٤ سنين فضل عايزك و عايز ولاده و بيحبك 
ابتسمت بخجل 
بلاش الخجل ده و انتي حلوة كده طالعة شبههي مش شبه امك 
ضحكت نورين من قلبها و ضحك عبدالملك اللي كان قاعد في عربيته بعيد عن البيت بشويه و شايفها وهي مبسوطة 
ابوها يلا انا هقوم ارجع البيت عشان امك هتفضل تزن و تسأل في ايه و هتدوشني 
ودعته و دخلت البلكونة تاني فضلت باصه للسما لحد ما نامت 
صحيت تاني يوم على خبط على الباب قامت من البلكونة و ضهرها ۏاجعها من النوم الغلط 
اتاوبت و راحت تلبس الحجاب ايوه جايه 
فتحت الباب بعفوية و عيونها مغمضة بس اول ما فتحت شهقت و رجعت لورا انت بتعمل ايه هنا ! 
في نفس اللحظة اللي صحي فيها عبدالملك في عربيتة و شاف عربيه غريبة تحت البيت 
part 18
وردتي_السوداء
سمية_عامر
part 19
وردتي_السوداء 
بقلم سمية_عامر
انت بتعمل ايه هنا 
صالح انا انا اخدت العنوان من يوسف و كنت متوقع والدك هنا زي ما قولتيلي 
خبطت بايديها على راسها أيوة صح انا اسفة نسيت 
صالح و انا متأسف خلاص انا هكلم والدك 
ابتسمت نورين و قفلت الباب و كانت رايحة تشوف عيالها بس سمعت صوت برا 
جريت بسرعة على البلكونة لقيت عبدالملك ماسك صالح و بيضربه 
انت بتعمل ايه هنا يا 
عبدالملك اهدا انا هقولك انت مش عايز تسمع لييه
صوتت نورين فيه عبدالملك سيبه خلاص كفاااايه هو معملش حاجه حرام عليك بقى 
بصلها بعصبية و شاورلها بأيدة أنه هيوريها هي كمان و فجأة ساب صالح و طلع يجري على جوا وهو متعصب 
خاڤت و جريت هي كمان قفلت الباب بالقفل و المفتاح بسرعة 
عبدالملك بعصبية افتحي 
مش فاتحة انت عايز ايه في ايه مش طلقتني خلاص مالك بقى ماااالك
انا هوريكي ازاي تجيبيه لحد عندك يا 
برقت و فتحت بوقها متشتمش يا محترم و علفكرة الشتيمة بتلف تلف و ترجع لصاحبها 
برقت تاني لما
لقيته داخل من البلكونة 
قامت بسرعة عشان تجري على جوا بس هو مسكها تعالي هنااااا رايحه فين 
ثبتها عند الحيطة ايه اللي جاااب صالح هنااا 
كان بيتكلم و كل عروق وشه بارزة و متعصب لابعد حد 
نورين پخوف مينفعش اللي انت بتعمله ده لو سمحت ابعد عني 
د انتي هيطلع انهاردة انطقي كان بيتزفت يعمل ايه هنا 
كان جاي عشان يكلم بابا و يطلبني منه 
بعد أيده عنها و رجع لورا شويه و انتي قولتي ايه 
مقولتش وافقت أنه يكلم بابا 
يعني موافقة عليه !
ضحكت باستهزاء و راحت قعدت اوافق عليه انت فاكر أن الحياة عبارة عن رجالة بس 
اتعصب اكتر ردي على اد الكلام هتواااافقي 
و انت مالك اوافق ولا لا دي حياتي 
انتي ام عيالي 
و ليكن عايز ايه يعني مش انت طلقتني بعد ما حسستني اني رخيصة اوافق أو ارفض دي حاجه تخصني 
قرب عليها و بكل حزن قالها انتي مش بس ام عيالي انتي حبيبتي 
فضلت بصاله شويه بعدين قامت من غير ما تتكلم و راحت دخلت اوضه عيالها و قفلت الباب 
استوعب عبدالملك انها مش عايزاه و حتى مش بتحبه 
قام و خرج و قفل الباب 
ضحكت نورين و حست ان كل فرحة العالم اتجمعت في قلبها لأنها اول مرة تسمع منه الكلمة دي بس رجعت ملامحها زعلت تاني 
عدى يومين و كانت نورين واقفة بت ر اكل لعيالها في المطبخ و بتلعب معاهم 
خبط الباب و جري نور الدين يفتح و فجأة لقى جدته صفاء في وشه 
مامي مامي في ضيوف 
صفاء لا يا حبيبي انا مش ضيفة انا تيتا
بصت نورين لقيت امها اللي اول ما دخلت قعدت حتى مسلمتش على بنتها 
نورين نعم يا امي 
صفاء مفيش كوباية ميه حتى 
لا يا ماما مفيش قولي اللي انتي عايزاه لو سمحت الاولاد جعانين و انا لسا مخلصتش 
صفاء في عريس كلم ابوكي عليكي و طبعا دي فرصة حلوة لانك مطلقة و العين عليكي لازم توافقي
جايه عشان تقوليلي كده بس بجد اوقات بحس انك مش امي 
صفاء بعصبية هتوافقي و رجلك فوق رقبتك أو ترجعي لجوزك اختاري 
نورين والا
ايه 
و الا هتشوفي انا هعمل ايه لو مسمعتيش كلامي المرة دي كمان 
قامت صفاء و خرجت و سابت نورين قاعدة بټعيط و خاېفة من اللي امها ممكن تعمله 
قامت بسرعة و اتصلت على يوسف انا محتاجالك ضروري 
في حاجه ابلغ عبدالملك 
نورين لا لا تعالى انت بس بسرعة ارجوك 
لبست ولادها و جهزت شنطهم و اول ما يوسف جه خلته ركبهم العربيه ابعت الولاد لابوهم يا يوسف و خليهم معاه الفترة دي عشان انا مش هكونهنا في سينا 
يوسف امال فين ناويه تهربي تاني 
نورين بعصبية اهرب ايه الولاد معاكم 
قفلت الباب في وشه و رت شنطتها في اقل من عشر دقايق و خرجت بسررعة بعد ما حجزت طيارة لسويسرا 
زي ما قولتلك كده و خدت الاولاد و خليت السواق يراقبها رايحه فين و شافها وهي داخله المطار و سال و عرف انها مستنيه طيارة سويسرا 
عبد الملك بتهرب تاني جبانة 
قام و خلى يوسف مع الاولاد و اتجه للمطار 
يلا تفاعل عشان البارت الجاي شديد 
part 19
وردتي_السوداء 
سمية_عامر
ركبت الطيارة وهي حاسه انها سايبه جزء من قلبها و ماشيه 
حطت السماعات و غمضت عينيها تسمع قرأن بس حست ب حد قعد جنبها فتحت عيونها بتعب لقيته جنبها 
اتخضت و بعدت عبدالملك انت انت بتعمل ايه هنا 
ربط حزام الامان و فضل باصص لشكل السما من فوق من الشباك حسيت ان الحياة مش هتنفع من غيرك و انك لو عايزة تهربي ف أنا كمان عايزاهرب معاكي 
بصتله و عيونها دمعت انا بس حسيت اني خاېفة حسيت اني محتاجة أجمع نفسي و أفكاري 
حط أيده على ايديها مش معقول هتبقي خاېفة مني 
لا مش منك انا بحبك 
لا خلاص بقى ركزي في الطريق 
نورين طيب احنا بنهرب من ايه خلاص خلينا نرجع عشان الاولاد 
عبدالملك اولاد مين احنا هناخد هدنه و نرجعلهم خلينا بقى نتصالح 
م احنا اتصالحنا تعالى نرجع 
شششش مسمعش كلمه انا هردك الأول و 
نورين بسرعة لا متردنيش غير لما نرجع مصر 
استغرب طلبها ليه 
عشان تبقى مؤدب لحد ما نرجع و عشان حاجه تاني 
ضحك و حط أيده على راسه امال هصالحك ازاي دلوقتي الله مش لازم اردك الاول 
الحاجه التانيه اني عايزة نقضي وقت سوا كاننا مخطوبين لأننا متخطبناش 
ضحك اكتر و رفع ايديها بس كده موافق بس خلي بالك فاضل يومين عشان اقدر اردك و الا هنتجوز من اول و جديد 
نورين بدلال و البس فستان و ابقى عروسة تاني ايه المشكلة بقى ها ها 
فضلوا على الحال ده لحد ما وصلوا و نزلو في فندق كل واحد في اوضه 
صفاء بعصبية يعني ايه نورين اختفت راحت فين هربت تاني 
يوسف بملل يا خالتو معرفش 
صفاء و عبدالملك فين لازم يلاقيها 
يوسف بتوتر عبدالملك اه هو راح القاهرة يخلص شغل و ميعرفش أنها اختفت 
سحر صفاء سبيها بقى مهي سابت الاولاد يعني بتقول سيبوني في خالي 
صفاء ازاي يعني دي
بنتي و سمعتنا 
سحر لما يجي عبدالملك يتصرف هو المهم دلوقتي منحسسش الاولاد بحاجه 
يوسف بالظبط زي
ما ماما بتتكلم المهم دلوقتي نيرة و نورالدين
صفاء اللي جايين من ډمها العكر اكيد شبهها و غداررين ابعدوهم عني 
خرجت و سابتهم و هما مستغربين منها و من كلامها 
كانت نورين قاعدة في اوضتها لما رن تليفون الأوضه 
الو مين 
مين ايه هو حد يعرفك غيري 
ضحكت بصوت هادي و بعدين انت عايز ايه بقى 
احم بسم الله انا عايز اخرج مع خطيبتي ام عيالي 
طب احنا لسا جايين نرتاح الاول 
مفيش راحه يلا يا ام العيال 
ضحكت و قفلت معاه و لبست فستان و حطت مكياج خفيف و نزلت كان مستنيها تحت و اول ما شافها صفر كويس اننا الصبح 
ده ليه بقى 
عشان مش هعرف اخرج معاكي بليل هتبقي في السما 
ضحكت بكسوف و مشيوا سوا و هما بيتكلمو 
و انا صغيرة كنت بحب ابن الجيران اوي مع أنه كان رخم و بيضربني 
بتحبي مين 
والله وانا صغيرة يعني ٥ سنين كده 
ولا خمس ثواني 
طب انت احكيلي عن طفولتك و سيبك من ابن الجيران 
ابتسم و مسك ايديها و هما ماشيين 
نورين و بعدين بقى قولنا احنا مخطوبين 
ما هما المخطوبين بيعملوا كده تعالي بس تعالي 
مسك ايديها تاني و انا صغير كنت معجب ببنت عمي هي كانت جميلة و لما كبرت رحت قولتلها 
نورين بغيرة