رواية ليتهم يشعرون

تانيه المريضه فاءت 
وهنا الدكتور جري علي العنايه المركزه واتفاجيء اني انا وماما فوءنا ورجعنا للحياه من جديد وبدا يشوف الحالتين 
بجد معجزه حكمه ربنا فوق كل شيء اقدر اقولكم حمد لله علي سلامتهم 
وهنا بص للمرضه يتنقلوا اوضهم فورا 
هنا احمد حضڼ بابا ونادين كانت بتحمد ربنا انه مخذلهاش ورجع عيلتها ليها
وفعلا اتنقلنا غرف جنب بعض 
والكل دخل يشوف ماما واللي كانت بتحاول تتكلم وبعد معاناه 
احمد اهدي ياماما اللي عوزاه هنعمله المهم انك وسطنا 
وهنا ماما نطقت باسمي
ندي عاوزه ندي عاوزه بنتي اشوفها 
هنا الكل كان فرحان ان ماما بعد سنه كامله رجعت تتكلم واول كلمه كان اسمي
اما عندي في اوضتي كنت بفوء فترات بس بقيت احسن وهنا الكل دخلي وجري احمد عليا 
ندي المغلباني حمدالله على سلامتك يااقمر وباس ايدي 
ونادين مسكت ايدي وبستها كده روحي رجعت ليا من تاني 
بابا كان واقف بعيد عني وكانه خجلان مني 
بابا محتاجه حضنك اوي 
وهنا بابا جري عليا وحضني وانا نايمه وباسني من جبهتي 
حمد لله على سلامتك حببتي 
وانا بصوت ضعيف ماما عاوزه ماما والكل بص لبعضه 
وفجاءه لاقيت امي ډخله علي كرسي متحرك وبصوت وحروف متقطعه ندي حببتي 
والممرضه حركت كرسيها لغايه عندي 
ماما انا بحبك اوي 
وانا رجعت الحياه عشانك حياتي لكي ولاخواتك وهنا موبيل خالد رن وطلع يرد بره
ايوه يامياده في ايه كل شوي اتصال 
فينك ياخالد ولا كاني خطبتك ولا ليا حق عليك
ياستي عارف انك خطبتي 
وهنا كان بيلف لاقي نادين واقفه وهنا خالد اټصدم وقفل الموبيل
ونادين اول ماسمعت كلمه خطبتي جرت وخرجت بره المستشفى وطبعا خالد جري وراها 
نادين نادين انتي فاهمه غلط 
الحياه ياهتعلمنا المهم نكون واثقين من نفسنا وديما عندنا
ايمان ان كل اللي ربنا بيجيبه خير والمحڼ والابتلاءات بعدها
فرح ويسر
وان كل ماهتضيق فرجه هيكون قريب
نادين نادين 
خير استاذ خالد في حاجه 
لا ابدا بس لاقيتك مشيتي من غير ولا كلمه 
عادي طلعت اشم هوا واسيبك تتكلم براحتك مع خطبتك 
ااه خطبتي بس 
بس اي ياخالد خطبتك ولا لا 
انا مش عارف ان كانت خطبتي ولا لا 
ازي ياعني فزوره مثلا
تصدقي ممكن تكون فزوره طب هقولك الفزوره وانتي حليها يمكن الحل يكون عندك
وهنا بدا خالد يفتح قلبه لنادين 
انا وحيد امي وابويا خريج تجاره ماټ ابويا وسبلي الدار دي وانا كبرتها وخليتها دار واتنين وتلاته لغايه مابقت مركز للمسنين وكبار السن ودار للايتام امي ماټت وفضلت انا لوحدي سنين وبقيت بحلم بالاسره والبيت والشريكه اللي تساندني في حياتي وفي شغلي 
كل دا حلو ياخالد فين الفزوره بقي
من كتر الشغل نسيت قلبي لغايه مابقي متبلد مش بيحس باي عاطفه ناحية حد رغم كل مغريات ليه لغايه ما اشتغلت مياده 
مين مياده 
المفروض خطبتي جات المركز واتعينت كانت بتعمل كل حاجه عشان اخد بالي منها وتشغلني بيها و بدات اخد بالي بس قلبي فضل نايم مصحاش ليها لما قربنا من بعض عرفت شخصيتها اللي مختلفه عني 
ازي مختلفين وانتم بتحب بعض 
انا محبتهاش وهي كمان هي لاقت فيا الراجل اللي يقدر يعيشها كويس وعنده جاه ونفوذ ويقدر يعملها اللي تعوزه 
وانت لاقيت فيها اي بقي
لاقيت الاسره والبيت والعيله بس اټصدمت من افعالها وتصرفاتها مع الناس غيري خالص هي بتتكلم الناس من برج عالي وانا بتكلم مع الناس وانا منهم تعرفي انها عدوه اختك اللدوده 
ندي ليه بقي عملتلها ايه
عشان مفكره اني معجب بيها 
وانت كده فعلا الست ديما احساسها بيبقي صح
ندي من ساعه مااقبلتها وانا بتعامل معاها كاخت ندي كانت محتاجه لسند اختك اتبهدلت كتير لماسابتكم وعشان كده دورت عليكوا 
طب برضو مش فاهمه فين الفزوره 
الفزوره ياستي اني قلبي صحي واتحرك وبدا يحس ويحب بس في حته تانيه خالص ومكان تاني ومحافظه تانيه 
اا عن اذنك لازم ادخل لحسن حد يقلق 
نادين مالك ارتبكتي كده ليه وقايمه ليه 
عشان لازم ادخل عن اذنك 
وهنا نادين خدت بعضها من غير ماتبص لخالد عشان تتدخل بسرعه وهنا خالد ندهه عليها واللي وقفت من غير ماتلفت ليه 
نادين قلبي بيحبك وحسك
وهنا نادين مشت بسرعه وطلعت المستشفى وهي قلبها مبسوط وفرحان وانه اول مره يحس بالفرحه دي
خالد طلع وراها وهنا قابل احمد واللي وقفه
حضرتك استاذ خالد صاحب المركز اللي ندي شغاله فيه 
ايوه بس افضل تقول شغاله معايا فيه ندي دي اختي من ساعه ماكلمتني عنك وعن والدها واختها وامها واد ايه بعدها عنكم فارق معاها وانا اتعاملت معاها كاني اخ ليها 
بجد مش عارف اشكرك ازي علي اللي عملته معاها مت غيرك ياعالم كانت هتكون فين وازي 
الحمد الله دي حكمه ربنا اختك طيبه وبنت حلال 
انا بقي الموظف الجديد اللي جيت اشتغلت عندكم في شركه الاعلانات والدعايا واللي اتولت تعيني مس مياده 
بجد دي مفاجاه 
فلاااااش باك 
الو خالد فينك
مسافر في اي يا مياده 
عاوزه اتكلم معاك وحشني في حاجات في الشركه وموظف جديد من القاهره اسمه احمد كويس عوزاك تشوفه 
اعملي اللي تشوفيه صح
بااااك
صدفه غريبه بس حلوه استاذ خالد
كنت في الاوضه وبدات اتحسن وبابا علي طول جنبي كانه بيعوضني علي اللي فات 
بابا بابا
ايوه حببتي عاوزه حاجه 
اقوم ياحبيبي خد اخواتي وروحوا انتم تعبتم اوي 
لا انا مش همشي الا وانتي معانا وقبلنا 
بابا ممكن كوبيه مايه
عيوني اتفضلي حببتي 
وهنا شربت وسبت شويه في الكوبايه لاقيت بابا بيشرب مكاني استغربت
بابا مش خاېف تتعدي مني 
لا ياحببتي انا فهمت وخدت الدرس 
وهنا نادين خبطت ودخلت 
ندي حببتي عامله ايه 
الحمد الله احسن 
بس مستغربه ازي قاعده كده من غير نقاب وازي وجهتي العالم كده
والله دي حكايه طويله هبقي احكيهالك ولا استاذ خالد يحكي هالك وهنا بصت نادين لندي وهنا بابا قام 
عن اذنكم يابنات هروح اطمن علي امكم لحسن تزعل الحمد الله اننا اتجمعنا من تاني 
واول مابابا راح لماما 
ندي بتبصيلي كده ليه 
عشان وحشاني اوي ومش مصدقه اني شوفتك من تاني 
عارفه ياندي خروجك من البيت هو اللي كشفنا ادام نفسنا وعري كل واحد بأفعاله احنا غلطنا في حق كتير ندي انا لاقيت مذكراتك وعشان وحشاني لاقتني بفتحها وبقراها وشوفت معاناتك معانا واد ايه كنا قاسين اوي 
انا كمان غلط غلط اني مكنتش شايفه نفسي استاهل اني اثق بنفسي اني احب نفسي الكل غلط ياانادين
وهنا بدا صدري يتعب وبدات اكح
طب ارتاحي ومتتعبيش في الكلام 
اقوليلي يانادين رايك ايه في خالد
خالد دا السبب انك رجعتي لينا 
بس مش قصدي كده 
مش عارفه اوصفلك ببقي فرحانه لما بيكون موجود ولما يغيب بحس پخنقه ومش بطيق غيابه 
ياعني حبيتيه صح
مش عارفه ان كان صح ولا غلط اني احب واحد خاطب 
خالد عملي وخطبته متسلطه ومقدرتش تستحوذ عليه خالد عايش للناس واللي تحبه لازم تحب اللي يحبه فهماني يانادين 
فهماكي يااندي
في اوضه ماما في المستشفى 
حمد لله على سلامتك ياام احمد
ند ي ندي عامله ايه 
وهنا بابا قرب من ماما ومسك ايدها وبسها 
بخير اطمني ندي بقت وحده تانيه تحسي انها اتغيرت للاحسن وبقت قويه 
الحمد الله الف حمد وشكر 
المهم انكي تقومي بالسلامه عشان البيت يرجع زي الاول 
وهنا احمد خبط وكان معاه خالد
ماما القمر حمد الله علي سلامتك ياست الكل 
حبيبي وحشتيني اوي 
وهنا احمد حضڼ ماما وباس ايدها 
بابا تخيل ان صاحب الشغل والمكان اللي بشتغل فيه بتاع خالد والاغرب اني انا وندي كنا في مكان واحد 
دي حكمه ربنا ياابني ربنا تدابيره حلوه 
وهنا ماما بتحاول تشاور لخالد عشان يقرب منها 
انا حضرتك عوزاني انا 
ايوه يابني 
وهنا خالد قرب من سرير ماما واللي مدت ايدها ليه واللي مسكها بخجل وهنا ماما حاولت تبوس ايد خالد 
اليعوذ بالله ليه كده 
عشان انت علي راسي انت اكرمت بنتي وحفظت عليها واعتبرتها اختك وحاولت تساعدها حتي نادين اختها حميتها في غياب ابوها واخوها انت جميلك علي راسي طول العمر طول مانا عايشه
ربنا يديلك طوله الصحه والسلامه وبعدين ياجماعه ليه متقولش ربنا عرفني بيكوا لاني محتاج اسره وعيله انا ابويا وامي ماتوا من زمان وربنا هداني بيكوا عوض ليهم
من انهارده اعتبرني امك التانيه وابو احمد ابوك واولادي اخواتك
خالد دخل اوضتي وكان معاه احمد ونادين كانت معايا
مش عاوزه حاجه من اسكندريه قبل مااسافر 
شكرا مستر خالد 
مستر ايه عم احمد خليها تعاملني زيك 
ندي نادين خلاص خالد بقي مننا وامكم اتبنته 
وهنا بعت له سلامي 
سلملي علي داده حليمه وكل حد هناك 
حاضر ياستي المهم تقومي بالسلامه 
وهنا جات مكالمه لاحمد اللي طلع يرد بره 
وهنا خالد قرب من نادين 
مش عاوزه حاجه من اسكندريه 
لا اي ترجع بالسلامة 
بجد عاوزني ارجع 
نادين بكسوف وخجل ترجع بالسلامة 
وهنا كحيت عشان خالد يبطل نحنحه 
خالد ابقي سلملي علي مياده 
هنا خالد بصلي پغضب 
مياده اي دلوقتي تصدقي انت محتاجه مياده عشان تظبطك 
كده ماشي ربنا يسامحك
وهنا احمد دخل
استاذ خالد هسافر معاك عشان الشغل وهرجع معاك
لو حابب خليك تقعد معاهم وانا هتصرف في غيابك
لا بابا هنا وبعدين انت مش اقولت مش هتتاخر خلاص عشان اسليك في الطريق 
ماشي
حلو الكلام يلا بينا
خالد واحمد سافروا اسكندريه وهما في الطريق وخالد سايق 
تعرف استاذ خالد 
تاني 
خالد
اللي احنا فيه والا الافلام حقيقي بس حلو ان شملنا اتجمع بسببك حقيقي شكرا ليك 
علي ايه يااحمد انا بتعلق باي حاجه تحسسني بعيله واختك تستاهل
انت خاطب ياخالد 
والله مش عارف 
ياعني ايه
خاطب ومش خاطب انا غلطت وسمعت عقلي وسبت قلبي نايم 
طب ازي كده انت بتكسر بمشاعر حد حبك 
والله يااحمد المشكله متعقده بس لازم احلها انا قلبي لما عرف وحس الحب الحقيقي صحي وشاور عليه 
مش فاهم حاجه بس اكيد هتحكيلي 
اكيد
وصل خالد واحمد اسكندريه احمد راح السكن وخالد راح بيته اللي اول مادخله حس بغربه وبرد 
اللمه حلوه وبتدفي يارب سهل اموري 
ودخل خالد ينام عشان وراه امور لازم يحسمها
وفي نهار جديد وفي مكتب خالد ومياده اول حاجه عملتها اول ماوصلت راحت لخالد
حمدالله على السلامة ياخالد 
الله يسلمك 
غريبه انك مقولتش انك جاي وغريبه انك مكلمتنيش والاغرب انك طلبني دلوقتي 
وحده وحده انا مش ادك يامياده 
خير يااخالد عاوز تقولي ايه 
عاوز اقولك اللي انتي بتفكري فيه
وهنا مياده قامت ومشت جنب الشباك اللي بيطل علي جنينه المركز 
اللي بفكر فيه علقتنا حسها مش صح تحسها انها مش راكبه 
وهنا خالد قام ووقف جنب مياده وايده في جيبوبه 
انا حسك غريبه المره دي ايه اللي حصل يامياده 
مستغرب ليه كنت مفكرني هعمل زي قبل كده استحمل طريقتك معايا 
ااانا انا 
انا مش عاوزه مبرر لتصرفك معايا من اول
يوم شوفتك فيها وحتي يوم الخطوبه 
خالد انت عمرك ماحبتني ولا شوفتني كحبيبه 
وانتي يامياده مسبتيش ليا مساحه اني اختارك بقلبي 
طب دلوقتي قلبك اختار 
ااااااا
مين حياه 
لا مش حياه 
عشان كده بتسافر القاهره 
اااا حاجه زي كده
وهنا مياده قلعت دبلتها ومسكت ايد خالد ورفعتها عشان تحط الدبله في ايده 
ربنا يسعدك ياخالد 
وانا اتمنالك انك تقابلي الشخص الصح اللي يحرك قلبك قبل عقلك 
وهنا عيون مياده لمعت وحست بدقات قلبها وافتكرت احمد
مياده مياده روحتي فين
موجوده 
سرحتي يامياده 
يلا اسيبك 
هنا خالد استغرب