روايه ليل

قالك اني مش بعرف 
بفرحه بجد بتعرف 
اه حتي استني كدا بكرا وانتي رايحه الحضانه هعملك ضفيره احلي من بتاعتها 
ملاك حضنته وهي فرحانه 
واليوم عدي علي خير و اخد ملاك للقبر تزور مامتها
عارفه يا ماما .. بابا دايما بيعملي كل حاجه بتفرحني ومش بينشغل عني ابدا .. شكرا يا ماما انك اخترتي بابا 

و راحو البيت بعدها 
ملاك نامت و كريم بيحضرلها الغدا و فنفس الوقت بيشوف فيديوهات عشان يعرف يعملها الضفيره 
ياه دي طلعت صعبه ومعقده وانا الي كنت فاكرها سهله بس مش مشكله هتعلمها
اتغدو و بعدها بدأ يذاكرلها ويعلمها الحروف و يلعب معاها 
لغايه لما جه وقت النوم 
ملاك نامت وهو اتطمن عليها و خرج لشغله 
وهو فالشغل كان بيشوف فيديوهات الضفاير عشان يعرف يعملها الصبح باحترافيه و بعدها روح بيته الصبح هو كان بيشتغل كل يوم بعد لما ملاك تنام وبيرجع الصبح
حضرلها الفطار والسندوتشات وكوي اللبس وحضر شنطتها و صحاها 
يلا يا ملاك قومي شوفي حضرتلك اي عالفطار 
ملاك قامت بسرعه 
حضرتلي ايه 
حضرتلك السمبوسه الي شفتيها عالتلفزيون وعجبتك 
ملاك نطت من عالسرير جري عالمطبخ 
بضحك براحه طيب احسن توقعي 
نزل تحت و كانت بتاكل 
سيبيلي شويه ها متاكليش كله 
بعد الاكل عملها الضفيره وكانت حلوه جدا
الله يا بابا دي حلوه اوي احلي من ضفيره البنت 
شفتي ازاي باباكي سوبر مان 
ملاك باسته علي خده 
انا بحبك اوي يا بابي
كريم اخدها بعد كدا للحضانه 
ادخل معاكي النهارده ولا انتي شطوره وهتروحي وحدك 
لا انا شطوره يا بابي متقلقش 
ودخلت الحضانه اما هو ف راح ينام لغايه موعد خروجها من الحضانه 
راح وقت خروجهم من الحضانه

عشان ياخدها
اول لما شافته جريت عليه 
بابي وحشتني اوي 
وانتي كمان .. ها عملتي اي النهارده
اتعرفت علي بنت حلوه و طيبه وبقينا اصحاب 
بجد ! طب حلو اوي يلا نروح البيت عشان هعملك غدا محصلش 
بجد.!
ايوه 
وعدت الايام و الشهور والسنين و كريم بيهتم بملاك جدا و كل اصحابها بيحسدوها عليه وعلي الاهتمام والدلع الي هي فيه و صحبتها الي اتعرفت عليها فالحضانه متفرقتش عنها من يوم لما اتعرفو و طبعا كريم كان بيتفق مع ابو البنت دي و كانو بيدخلوهم نفس المدرسه ف ابتدائي واعدادي وثانوي و حتي نفس الفصل 
ف ٢ ثانوي 
كريم كان رايح يتطمن علي ملاك قبل مينام بس سمعها بتتكلم فالموبايل 
هنتقابل بكرا بس انا لازم اقول لبابا وهو اكيد مش هيوافق 
دخل كريم عليها وهي قفلت المكالمه
بهدوء ملاك مش احنا بنحكي كل حاجه لبعض 
بتوتر اه يا بابا 
طيب احكيلي مين الي كنتي بتكلميه 
بص يا بابا هو ولد كويس اوي والله يا بابا و بيحبني 
فسنه كام هو 
ف ٤ جامعه 
مش شايفه انه كبير عليكي شويه 
يا بابا مش بالسن 
طيب ينفع متتكلميش معاه تاني ولما تكبري لو عايزك هيجي يتقدملك 
بزعل بس انا بحبه يا بابا 
هو لو بيحبك هيجي يتقدملك لما تكبري انما دلوقتي انتي صغيره 
يعني انت هتوافق عليه لو جه اتقدملي لما اكبر 
ايوه لو انسان مناسب ليه لء 
ملاك حضنته 
طب خلاص يا بابا انا هقوله زي م انت قلتلي وهعمله بلوك ومش هكلمه تاني خاالص 
ايوا كدا هي دي بنتي الحلوه
ف ٣ ثانوي 
يا بابا انا قلقانه اوي من النتيجه 
يحبيبتي الي يجيبه ربنا كويس انتي عملتي الي عليكي 
بس انا نفسي اوي ادخل اسنان 
ان شاء الله هتدخليها 
اهو يا بابا الموقع فتح 
كانت جايبه ٩٥ فالميه 
ملاك اڼهارت من العياط 
كريم حضنها
يا بنتي متعيطيش انتي عملتي الي عليكي وبعدين ليه زعلانه نتيجتك حلوه اوي علي فكره
بعياط يا بابا انت بتهزر صح حلوه اي يا بابا انا كان نفسي ف اسنان من زمان 
من بكرا هقدملك فكل الجامعات الخاصه و هتتقبلي 
بعياط بس دول غاليين اوي يبابا 
مفيش حاجه تغلي عليكي انا هشتغل اكتر و هعرف ادفعلك المصاريف متشيليش هم حاجه 
ملاك حضنته 
بجد شكرا يا احلي اب فالدنيا مش عارفه من غيرك كنت هعمل ايه 
وبالفعل قدملها و اتقبلت فجامعه قريبه منهم وملاك فرحت جداا جدا وكانت مركزه فدراستها و بتجيب تقدير حلو كل ترم 
ف ٣ جامعه
الو مين معايا 
لو سمحت يا عمي انا عايز اخد منك معاد عشان اتقدم لملاك بنت حضرتك
ماشي هستناكم بكرا ..
قفل المكالمه وهو زعلان جدا جدا .. كان نفسه ميجيش اليوم الي واحد تاني هياخد بنته منه .. كان نفسه تفضل معاه دايما بس هي خلاص هتسيبه وحده عاجلا او اجلا 
يا ملاك فيه عريس جاي بكرا 
بابا انت زعلان صح 
لا هزعل ليه 
يا بابا انت تقدر تخدع كله الا بنتك .. انا حافظاك كويس وعارفه انك زعلان بس متقلقش والله عمري مهسيبك وحدك ابداا انا هشرط علي الي هتحوزه اننا نعيش هنا معاك 
يعني مش هتسبيني وحدي 
ابدا ابدا 
كريم حضنها 
اليوم الي بعدو
اتفاجئ اول لما فتح الباب 
كانت ليل و ابنها و بنتها 
ليل !! 
ايه دا يا ماما انتي تعرفي ابو ملاك !! 
اتفضلو ..
دخلو الصالون و هو دخل لبنته فالاوضه
هو دا يا بابا الي كنت بكلمه وانا ف ٢ ثانوي و اهو طلع بيحبني فعلا واستناني و جه يتقدملي لما كون نفسه كويس
بتحبيه 
اوي يا بابا 
مش هينفع تتجوزيه 
ولا انا اساسا كنت هقبل ان ابني يتجوز بنتك 
طب كويس يلا بقا مع السلامه 
ليل اخدت ابنها وبنتها ومشيو 
اما ملاك فكانت بټعيط
بعياط ليه كدا يبابا انت مش قولتلي من خمس سنين انه لو طلع جدع و اتقدملي هتوافق عليه 
مينفعش يا حبيبتي وبعدين دول ناس مش كويسين .. 
وانت تعرفهم منين
اعرف مامته كويس وكمان ابوه كان ماسك عصابه و اتقبض عليه من اكتر من عشرين سنه 
وانا مالي ب باباه انا دلوقتي بحب مروان و هو بيحبني 
طيب اهدي بس خلاص هديله فرصه عشانك بس دا لو امه اساسا رضيت تيجي عندنا تاني 
يعني هتوافق عليه 
ايوه هقعد معاه واشوف لو كويس هوافق عليه 
ملاك حضنت كريم
شكرا

يا بابا 
فبيت ليل 
الجوازه دي لا يمكن تتم !
يا ماما اكيد كان فيه سوء تفاهم عشان كدا طردنا 
انا اعرف الراجل دا من زمان و انت لا يمكن تتجوز بنته دي 
بس انا بحبها يا ماما 
وانا قلت كلمتي 
مروان قعد جمب ليل .. 
يا ماما .. انا عمري معارضتك فحاجه و دايما كنت واقف معاكم و كنت بشتغل من صغري عشان اصرف عالبيت .. دلوقتي لاول مره فحياتي اتمني حاجه ليه عايزه تحرميني منها 
المشكله انه ..
مروان قاطعها 
يا ماما المفروض تحطي مشاكل الماضي علي جمب وتسعدي ابنك .. انا بحبها يا ماما والله 
طب خلاص انا هدوس علي كرامتي عشانك .. انت تعبت معانا اوي وتستاهل اني اضحي شويه 
مروان حضنها
شكرا يا ماما ..
وفعلا كريم اتصل ب مروان و قالهم يجو تاني وانه اسف علي الي حصل 
مروان وليل و فريده بنت ليل جم و قعدو مع كريم وملاك و كريم بيستجوب مروان عشان يعرف هل هو مناسب لبنته ولا لا و من خلال الساعتين الي قعدو فيها مع بعض ارتاحله وحس انه راجل بجد و قررو يعملو خطوبه لمده سنه ويشوفو هل فيه توافق او لا 
يوم الخطوبه
تعرفي انك احلي حاجه حصلتلي ! انا طفولتي كانت وحشه اوي شفت فيها حاجات كتيير بسبب بابا و حتي لما خلصنا منه واتسجن بدأو الناس يحكمو علينا عشان ابويا مچرم .. فالمدرسه مكنش حد بيرضي يصاحبني و الكل كان بېخاف مني ومش بيرضو حتي يكلموني كلمه و فالجامعه اجتهدت و ذاكرت خصوصا بعد لما قولتيلي اننا مش هينفع نتكلم غير لما اجي اتقدم لغايه لما بقيت معيد و ليا مركز و بقو الناس يحترموني ڠصب عنهم 
وانا حقيقي فخوره بيك انك بقيت انسان محترم رغم كل الظروف الي واجهتك وحقيقي مكنتش هلاقي انسب منك يكون جوزي وحبيبي و ابو عيالي .. بس ..
وبان علي ملامح ملاك الحزن 
بس ايه ! 
ينفع بابا يعيش معانا هو ملهوش غيري وضيع عمري عليا ومرضيش يتجوز بعد وفاه ماما ..
هو دا سؤال ! اكيد طبعا ينفع يعيش معانا 
ملاك ابتسمت 
وعدي يوم الخطوبه علي خير وكل حاجه كانت تمام 
استعدو بقا للصدمه الجايه 
في قريه بعيده عن المدينه 
خرجت من بيتها سيده ف اوائل الاربعينيات ولكنها مازلت تبدو شابه .. بشرتها البيضاء الخاليه من التجاعيد و عينيها الزرقاوتين 
القريه كلها بتحبها و عايشه معاهم ليها اكتر من عشرين سنه .. بتدرس اطفال القريه و كل الي بيشوفها بيحبها بس للاسف السيده دي فقدت ذاكرتها من اكتر من عشرين سنه و مش فاكره اي حاجه عن حياتها السابقه بس دايما حاسه ان فيه حاجه ناقصه 
فلاش باك 
انا عايزكم ټخطفو البنت الي فالصوره دي سامعين !! دي اخر زياره مسموحه ليا فالسجن لانهم يا اما هيخلوني سجن مؤبد بدون زيارات او هيعدموني ف ټخطفو البنت دي و ټعذبوها و ترموها فمكان بعيد سامعين !! دي مرات الشرطي الي سود حياتي و الي اتسجنت بسببه 
كان بيوريهم صوره ملاك 
بعد لما دخلت ملاك اوضه العمليات عشان تولد 
الراجل الي تبع مازن كان متفق مع الدكتور انه يديها حقنه بتخلي جسمها بارد و النبض يختفي لخمس دقايق عشان يضحكو علي اهلها ويقولو انها ماټت
قبل لما كريم يدخل ليها لما قالوله انها ماټت الدكتور حقنها بالحقنه و النبض اختفي خمس دقايق 
بعدها طبعا كريم مراحش يدفنها بنفسه لانه كان مڼهار 
ف هما ډفنو چثه تانيه ف قپرها 
اما هي ف اخدوها لمصنع قديم 
بعد لما فاقت 
انا فين !! وانتو مين !!
مازن بيسلم عليكي و بيقولك انك مش هتشوفي كريم ولا بنتك تاني 
كريم مش هيسيبكم !! هيدور عليا وهيلاقيني وسعتها هتشوفو هيعمل فيكم ايه
بضحك للاسف هو فاكرك مېته 
نعم !!! 
و الراجل دا فضل يعذبها و يضربها و يكهربها لمده يوم كامل لغايه لما بقت كلها ډم وفقدت الوعي 
و رماها ف قريه بعيده 
بعد لما فاقت 
كانت فبيت غريب .. ست عجوز بتهتم بيها و بتطمنها انها بخير بس هي مكانتش فاكره اي حاجه من كتر الټعذيب الي اتعرضتله .. حاولت تفتكر وتفتكر بس مش فاكره اي حاجه خالص 
بعد لما خفت بقت عايشه مع الست العجوز الي بقت تعتبرها بنتها و وقتها قررت انها هتكمل حياتها لغايه لما ترجعلها الذاكره 
قررت انها هتعلم اطفال القريه و ف مده قصيره كانو كل اهل القريه بيحبوها 
واستمرت عالحال دا اكتر من عشرين سنه وهي لسا مش فاكره حاجه عن حياتها السابقه .. حتي مكنتش عارفه عندها كام سنه ولا عارفه اسمها و

لا معاها بطاقه ولا اي حاجه .. الست العجوز سمتها جميله 
باك 
كريم جاله مهمه ف قريه .. قريه بعيده و الاطفال فيها بيختفو فجأه ومحدش بيقدر يوصلهم بعدها .. قرر يروح ويشوف اي الي بيحصل هناك 
دخل القريه و بدأ يتكلم مع اهالي الاطفال الي اختفو 
لفت انتباهه جميله الي كانت بتهدي الاهالي دول و
بتحاول تطمنهم 
اول لما شافها جري ناحيتها 
پصدمه ملاك !!!
حضرتك الشرطي الي اتبعت للقريه ارجوك تلاقي الاطفال دول .. دول تلاميذي 
بس كريم كان لسا واقف ومش ومصدق .. حتي شكلها متغيرش كتير كأن الزمن مأثرش عليها 
انت.. انتي ملاك صح ! 
وحضنها فجأه وهو بيعيط 
انتي عايشه بجد ولا انا فحلم ولا اي بالظبط !!
ملاك بعدت عنه وضړبته بالقلم 
انت ازاي تحضني ! انت شكلك متلغبط بيني وبين واحده تانيه .. انا اسمي جميله ..
لا انتي اكيد هي .. انتي شبهها بالظبط
اكيد حضرتك بتتخيل 
وقتها صاحبه ملاك اتكلمت 
مش يمكن انتي فعلا اسمك ملاك يا جميله ! مش فاكره لما شفناكي اول مره كنتي فاقده الوعي ولما صحيتي مكنتش فاكره حاجه ! مش يمكن دا شخص من ماضيكي ! 
الكلام دا حصل من كام سنه ! 
مش فاكره كام سنه بالظبط بس من اكتر من عشرين سنه 
مراتي ملاك ماټت فنفس التوقيت دا !!
اديك قولت اهو انها ماټت يعني انا مش هي 
بس انا مرحتش اډفنها عشان كنت لسا مصډوم ف يمكن تكون انتي !! 
يا استاذ انا مش متجوزه اصلا سيبني فحالي لو سمحت 
انا عايز تحليل DNA .. احنا عندنا بنت ولو انتي ملاك ف هيكون التحليل موجب 
انت شكلك مچنون يا استاذ 
عموما انا هاخدك معايا وانا راجع للمدينه .. هتعملي التحليل ولو مش موجب ف انا اسف من دلوقتي 
انا هرضي اني اروح معاك المدينه نعمل التحليل دا فحاله واحده بس
ايه هي !!
انك تجيب الاطفال المخطوفين 
تمام وانا مفشلتش فمهمه قبل كدا وهجبهملك 
بدأ يكمل التحقيق و يشوف اي ادله توصله للي عمل كدا 
و دخل كل بيوت القريه عشان يفتش فيها بس ملقاش اي اثر للاطفال المخطوفين لغايه لما بدأ يفقد الامل 
كان بيتمشي فالقريه بالليل و هو مهموم و متلغبط و مش عارف هل دي ملاك او لا وفنفس الوقت هو مش عارف يلاقي الاطفال عشان ياخدها معاه ويعمل التحليل 
لفت نظره قطه بتحفر فالارض و فيه صباع ظاهر من التربه 
جري بسرعه ناحيه التربه و حفر فيها كتييير لغايه لما بدأ يبان ان فيه چثث تحت التربه 
حفر التربه اكتر واكتر و خرج الچثث 
كانو الاطفال متقطعين ومقتولين بطريقه بشعه و حد واخد القرنيه والقلب و اعضاء تانيه 
استدعي اهل القريه عشان يشوفو اطفالهم لاخر مره و يدفنوهم كويس ..
وبدأ بعدها يشوف مين الي عمل كدا 
راح لدكتور القريه و ضغط عليه و هدده و ضربه 
لغايه لما اعترف انه شريك فالچريمه وان عمده القريه هو الي اجبره يعمل كدا والا هيقتله وياخد اعضاءه 
راح للعمده و قبض عليه و الاهالي كلها ضړبته و هما منهارين من الي حصل لاولادهم بس هو اعترفلهم ان الفلوس عمته و انه كان عايز يبني بيت فالمدينه و يعيش حياه الاغنيه 
بعد لما راح المدينه وسلمه لمركز الشرطه رجع للقريه تاني عشان يشوف ملاك 
ملاك كانت زعلانه جدا بس رضيت تروح معاه لانه اوفي بالشرط حتي لو كانو الاطفال ميتين 
اخد شعره من بنته و شعره من ملاك و عمل التحليل 
التحليل بياخد ٤ ايام عشان تظهر النتيجه ف هو عرض عليها تيجي تقعد ف بيته فالايام دي وهي وافقت لان مكنش معاها فلوس لفندق 
راحت البيت و اټصدمت لما دخلته مع كريم 
كانت بنت كريم شبهها بالظبط يكادو يكونو توأم 
مين دي يا بابا !!! 
هقولك بس بعدين
ازاي يا بابا شبهي بالظبط !!
يا استاذ هي دي بنتك !! كأني باصه فمرايه انا مش مصدقه الي شايفاه 
اخدها لاوضه الضيوف 
اما بنته فكان عندها اسئله كتير 
مين دي يا بابا !!
هقولك بس بعد ٤ ايام 
اشمعنا ٤ !
متسألنيش كتير يا ملاك ..
وحاول يتوهها فالموضوع
عامله ايه مع مروان .. اوعي يكون مزعلك 
لا يا بابا دا طيب اوي وبيحبني و بېخاف علي زعلي جدا 
طب حلو 
و سابها و راح لاوضه ملاك مراته
الاوضه عجبتك !
اوي اوي يا استاذ
م بلاش استاذ قوليلي يا كريم 
لا ميصحش 
طب قوليلي عملتي اي فالسنين الي عدت 
عادي كنت

بدرس الاولاد و بساعد امي و السنين اصلا مرو بسرعه 
امك !
اه الست الي عالجتني وقتها و سمتني ب اسمي بعتبرها امي عشان هي كانت دايما حنينه عليا 
اه تمام .. طبعا انتي عارفه لو التحليل موجب ف دا معناه انك مراتي وان الي شفتيها دي بنتك 
اه طبعا عارفه بس هو انت عرفت تربيها لوحدك ازاي 
كان صعب جدا فالاول بس اتعودت .. هسيبك بقا تنامي 
وخرج من الاوضه و راح اوضته وهو لسا مصډوم من الي حصل 
اما ملاك فمكنش جايلها نوم و نزلت للمطبخ و بدأت تفتكر حاجات .. افتكرت وقت لما كانت بتحضر العشا و كريم قالها وحش و لما راح الحمام عشان يرجعه وهي راحت وراه تسأله ليه الاكل وحش ف لمست شعره عشان تغيظه و هو فاليوم الي بعدو راح البيت و هو مخفف شعرها جامد .. بعدها افتكرت وقت لما مرضيش يتخلي عنها و لما قالها انها احلي حاجه حصلتله فحياته 
كانت راسها ۏجعاها جدا وهي بتفتكر كل حاجه حاجه ورا التانيه 
الصبح
ملاك كانت بتصحي كريم وهو قام مخضوض 
مالك اټخضيت ليه ! اشتقت اني اصحيك صح .. انا افتكرت كل حاجه .. افتكرت بنتنا الي كنا مستنيينها تيجي و نربيها مع بعض و افتكرت كل حاجه حلوه و حتي المواقف الوحشه افتكرتها انا اسفه فعلا انا مكنتش اعرف حاجه طول السنين دي .. احلي سنين عمري ضاعت وانا مش فاكره انا مين وحتي بنتنا ربتها وحدك .. شبتك وحدك فالدنيا دي و قدامك مسئوليه كبيره .. 
وبدأت ټعيط
كان نفسي منفترقش عن بعض ابدا .. كل حاجه حلوه ضاعت خلاص و دلوقتي جايه افتكر بعد لما عدي اكتر من عشرين سنه .. لا بنتي هتقبل بيا ولا انت هتتقبل فكره اني لسا عايشه 
كريم حضنها 
كل حاجه هنعوضها .. كل وقت عدي وانتي مش معايا فيه هنعوضه .. المهم متفكريش فالي فات وخلينا ف الي جاي .. صدقيني المهم عندي انك لسا عايشه و انك رجعتيلنا حتي لو كنتي رجعتي قبل لما اموت بساعه كنت هكون مبسوط 
بعدها مسك ايد ملاك و خرجو من الاوضه و راحو لاوضه بنتهم 
قومي يا كسوله كل دا نوم 
ملاك اټصدمت لما شافت باباها ماسك ايد واحده غريبه 
ايه دا ي بابا انت هتتجوز !! 
لا طبعا .. بصي انا هقولك حاجه دلوقتي
اييه 
دي مامتك ..
وحكالها كل حاجه حصلت وانه كان فاكرها مېته 
بس انا خلاص كنت عايشه دايما من غير ام واقدر اكمل حياتي من غير ام .. مش محتاجاها 
وقامت وسابتهم 
متقلقيش هي هتتعود عليكي قريب ..
اتمني ..
ملاك خرجت تجيب حاجات لشقتها الجديده و كلمت مروان وحكتله الي حصل بس هو قالها انها لازم تديها فرصه 
رجعت البيت و ملاك دخلتلها الاوضه 
حلو الي جبتيه .. وريني جبتي ايه تاني 
بجد حلو ! مش عارفه هيعجب مروان ولا لا 
لا اكيد هيعجبه اذا كان عجبني انا 
طيب ينفع تيجي بكرا معايا تساعديني وانا بجيب باقي الحاجه .. اصل بابا مشغول
اه طبعا ينفع 
اليوم الي بعدو ملاك راحت مع بنتها وكان طول اليوم ضحك و هزار 
وهكذا كل يوم تخرج معاها تجيب جهازها لغايه لما تعودت عليها وبدأت تحبها 
يجماعه النهارده عايزين نقضي سهره عائليه وجايبلكم فيلم تحفه 
بجد ! اي رأيك يا ملاك 
انا بحب الافلام اصلا 
و عملو فشار و قعدو مع بعض يسمعو الفيلم بس كان فيلم ړعب 
كل شويه ملاك تستخبي جمب مامتها و تغمض عينها 
پتخافي من الړعب !
اه جدا ايه يا بابا الغلاسه دي ليه جايبلنا فيلم ړعب وانت عارف اني بخاف
بحب اغلس عليكي 
وعدت الايام والشهور و ملاك بتحاول تقرب من بنتها و من كريم بردو لغايه لما علاقتهم بقت حلوه اوي و الي يشوفهم يقول انهم عيله كانت عايشه مع بعض دايما 
يوم الفرح
الفستان حلو مظبوط ! 
اه يبنتي انتي سألتيني كام مره السؤال دا زي القمر والله
راحو الفرح و الكل كان فرحان ومستمتع الا ليل الي كانت محروقه وهي شايفه ملاك مع كريم .. هي لسا ندمانه لغايه دلوقتي انها ضيعت شخص زي كريم 
ملاك وهي رايحه بيتها مع مروان حضنت مامتها
شكرا يا ماما علي كل حاجه حلوه عملتيها عشاني ..
ملاك فرحت جدا جدا
يا كريم دي قالتلي ماما لاول مره !!
شعورها حلو صح
اوووي دي احلي ماما اسمعها فالدنيا 
طب اييه بقا مش هنروح بيتنا ولا ايه 
انا ازاي هروح بيتنا من غير م
ملاك تكون موجوده فيه 
اسبوع وهيجو يعيشو معانا متقلقيش 
ملاك حضنت كريم
انت هتفضل منقذي للابد
النهايه